მსოფლიო ჩემპიონატი - ჯგუფური ეტაპის III ტური

მსოფლიო ჩემპიონატის ჯგუფური ეტაპის მესამე ტურის წინ, განვიხილოთ ყველაფერი საინტერესო, რაც პლეიოფამდე შეიძლება მოხდეს.

A ჯგუფი - ჩეხეთი V მექსიკა | სამხრეთ აფრიკა V სამხრეთ კორეა

მექსიკას პლეიოფში თამაში აქვს გარანტირებული, თანაც პირველი ადგილით, დარჩენილი ვაკანტური ადგილებისთვის კი იბრძოლებენ ჩეხეთი, სამხრეთ კორეა და სამხრეთ აფრიკა. დიახ, 1/16 ფინალში მოხვედრის შანსს, მინიმუმ მე-3 პოზიციით თითოეული ეროვნული გუნდი ინარჩუნებს.

B ჯგუფი - შვეიცარია V კანადა | ბოსნია V კატარი

ჯგუფი, სადაც ანალოგიურად გასვლის შანსი თითოეულ ნაკრებს აქვს. შვეიცარია და კანადა იბრძოლებენ პირველი ადგილისთვის, ბოსნია და კატარი კი მე-3 პოზიციისთვის.

C ჯგუფი - შოტლანდია V ბრაზილია | მაროკო V ჰაიტი

ბრაზილია და მაროკო პირველი ადგილისთვის იბრძვიან. მსოფლიოს ხუთგზის ჩემპიონებს მეტოქედ ჰყავს შოტლანდია, რომელიც ასევე ინარჩუნებს 1/16 ფინალში გასვლის შანსს, "ატლასის ლომების" მოწინააღმდეგე კი უკვე გავარდნილი ჰაიტია.

D ჯგუფი - თურქეთი V აშშ | პარაგვაი V ავსტრალია

ამ ჯგუფში უკვე გარკვეული როგორც პირველადგილოსნის ვინაობა - აშშ, ისევე იმ ნაკრების, რომელიც მსოფლიო ჩემპიონატს უკვე გამოეთიშა. საუბარია თურქეთზე. ავსტრალია და პარაგვაი მე-2 და მე-3 პოზიციებზე გასული ეროვნული გუნდების ვინაობას გაარკვევენ.

E ჯგუფი - ეკვადორი V გერმანია | კურასაო V კოტ-დ'ივუარი

გერმანიამ უკვე ოფიციალურად გაიფორმა პირველი ადგილი, დანარჩენი სამი ნაკრები - კოტ-დ'ივუარი, ეკვადორი და კურასაო კი პლეიოფისთვის განკუთვნილი ვაკანტური პოზიციებისთვის იბრძოლებენ.

F ჯგუფი - ტუნისი V ნიდერლანდები | იაპონია V შვედეთი

ტუნისის გარდა, ამ ჯგუფიდან გასვლის შანსი აქვთ როგორც ნიდერლანდებს, ისე შვედეთსა და იაპონიასაც. ყველაზე მარტივი გასეირნება ელით "მფრინავ ჰოლანდიელებს", რომელთა მოწინააღმდეგეც მე-3 ტურში სწორედ უკვე გავარდნილი "კართაგენელები" იქნებიან.

G ჯგუფი - ახალი ზელანდია V ბელგია | ეგვიპტე V ირანი

რუდი გარსიას გუნდს აუცილებლად მოგება სჭირდება, რათა ჯგუფში არ ჩარჩეს.ეგვიპტეს პირველ ადგილის შენარჩუნების ძალიან კარგი შანსი აქვს. ამჟამად აფრიკელებს 4 ქულა აქვთ, ირანსა და ბელგიას კი - 2-2.

H ჯგუფი - ურუგვაი V ესპანეთი | კაპო ვერდე V საუდის არაბეთი

"ფურია როხა" 4 ქულით პირველზეა, თუმცა 2-ქულიანი ურუგვაის ბარიერის დაძ₾ევაც მართებს. ასევე 2 ქულა აქვს კაბო ვერდესაც, რომელიც ამ ტურში საუდის არაბეთს ხვდება.

I ჯგუფი - ნორვეგია V საფრანგეთი | სენეგალი V ერაყი

ეს ძალიან საინტერესო დაპირისპირებაა. ორივე გუნდს 6-6 ქულა აქვს, შესაბამისად, პირველადგილოსანი სწორედ ამ ჯახში გაირკვევა. სენეგალი და ერაყი მე-3 პოზიციისთვის იბრძოლებენ.

J ჯგუფი - იორდანია V არგენტინა | ალჟირი V ავსტრია

როგორც აღვნიშნეთ, მოქმედ ჩემპიონს პირველი ადგილი თითქმის გარანტირებული აქვს. თანაც, ლიონელ სკალონის გუნდს, რომელსაც 6 ქულა აქვს, ამ ტურში საკმაოდ მარტივი მეტოქე ჰყავს.ორი ტურის შემდეგ ორივე გუნდს 3-3 ქულა აქვს. იმ შემთხვევაში, თუ იორდანია არგეტინასთან სენსაციას ვერ მოახდენს, ალჟირი ან ავსტრია პირველ ადგილზე ვერ გავა, თუმცა გამარჯვებულს მეორე ადგილით გასვლის კარგი შანსი აქვს.

K ჯგუფი - კოლუმბია V პორტუგალია | კონგო დრ V უზბეკეთი

K ჯგუფში დაძაბული ბრძოლა მიმდინარეობს. კოლუმბია 6 ქულით პირველზეა, რომელსაც 4-ქულიანი პორტუგალიას მოსდევს. პირველი ადგილის ვინაობა ამ მატჩში გაირკვევა.

L ჯგუფი - პანამა V ინგლისი | ხორვატია V განა

განასთან ფრის (0-0) შემდეგ, ტომას ტუხელის შეგირდები ბოლოადგილოსან პანამას შეხვდებიან. პირველი ადგილის გასანაღდებლად გუნდს მოგება სჭირდება.

მსოფლიო ჩემპიონატის ჯგუფური ეტაპის მე-3 ტურის ყველა მატჩი