2026 წლის მსოფლიო ჩემპიონატი ქართულ სატელევიზიო სივრცეში განსაკუთრებული მოვლენა იქნება. პირველად არხის ისტორიაში, ტელეკომპანია "რუსთავი 2“ მუნდიალის პირდაპირ ტრანსლირებას Setanta Sports-თან ერთად განახორციელებს. პლანეტის უდიდესი საფეხბურთო ფორუმი 11 ივნისს დაიწყება და ერთი თვის განმავლობაში გულშემატკივრებს 104 მატჩს შესთავაზებს.
ეს ქართულ სატელევიზიო სივრცეშიც ისტორიული მომენტია, რადგან მსოფლიო ჩემპიონატს ორი არხი ერთდროულად გადასცემს.მსოფლიო ჩემპიონატის შეხვედრებს ქართველი მაყურებელი "რუსთავი 2“-სა და Setanta Sports-ზე იხილავს, რაც დიდი ფეხბურთის მოყვარულებს ტურნირის სრულად თვალყურის დევნების შესაძლებლობას მისცემს.
ჩემპიონთა ლიგის შემდეგ, "რუსთავი 2“ მაყურებელს ამჯერად უკვე მსოფლიო ჩემპიონატის მატჩებს შესთავაზებს და დიდ ფეხბურთს კიდევ ერთხელ დააბრუნებს ეთერში. მატჩების მიმოხილვები, საუკეთესო მომენტები და ექსკლუზიური სპორტული კონტენტი ხელმისაწვდომი იქნება Rustavi 2 • სპორტის გვერდზე. ამიტომ, არ გამოტოვოთ არცერთი მნიშვნელოვანი ეპიზოდი და თვალი ადევნეთ ყველა სიახლეს ერთ სივრცეში.
