მოულოდნელი შედეგი საფრანგეთში — პსჟ-მ ლორიანთან ქულები დაკარგა

საფრანგეთის ლიგა 1-ის მე-10 ტურში მოქმედი ჩემპიონი, პარი სენ ჟერმენი ლორიანს ესტურმა და მოულოდნელად ქულები დაკარგა.

შეხვედრის პირველი ტაიმი უგოლოდ დასრულდა, ანგარიში კი სტუმრებმა მეორე ნახევრის დებიუტში გახსნეს — 49-ე წუთზე თავი მენდეშმა გამოიჩინა. ზუსტად ორ წუთში, იგორ სილვამ გაათანაბრა და საბოლოო ანგარიში, 1-1 დააფიქსირა.

აღნიშნული მატჩი სათადარიგოთა სკამიდან დაიწყო პარიზული გუნდის შემტევმა, ხვიჩა კვარაცხელიამ და მოედანზე 62-ე წუთზე უსმან დემბელეს ნაცვლად შემოვიდა. 10 ტურის შემდეგ, ლუის ენრიკეს გუნდს 21 ქულა აქვს და სატურნირო ცხრილს სათავეში უდგას.

ლორიანი 1-1 პსჟ

გოლები: 0-1 მენდეში (49'), 1-1 იგორ სილვა (51')