ნაპოლის ლეგენდარული კაპიტნის, დიეგო მარადონას შვილმა, დიეგო მარადონა-უმცროსმა რადიო Kiss Kiss-ის ეთერში ხვიჩა კვარაცხელიას შესახებ ისაუბრა. მან აღნიშნა, რომ მის მამას ქართველის თამაშის სტილი ძალიან მოეწონებოდა, რადგან "პარტენოპეის" შემტევი არის ის მოთამაშე, რომელიც "ბურთს მეგობრულად ეპყრობა".
"ვინ მოეწონებოდა დიეგოს ნაპოლის ამჟამინდელი შემადგენლობიდან? კვარაცხელია, რადგან ის მსგავსი სათამაშო სტილის მქონე ფეხბურთელებით ყოველთვის იხიბლებოდა. მას თავისი კლუბის ქომაგების გამხიარულება და ბურთთან მეგობრულად მოპყრობა შეუძლია", - განაცხადა არგენტინელმა რადიოს ეთერში.
შეგახსენებთ, ქართველი გარემარბი "პარტენოპეიში" თამაშობს 2022 წლიდან და იმის შემდეგ მან მოასწრო 71 შეხვედრის ჩატარება და 19 გოლის გატანა. სადებიუტო სეზონი მისთვის გამოდგა ტრიუმფალური - ხვიჩამ თავის გუნდთან ერთად სკუდეტო მოიგო. ეს იყო "აძურის" მე-3 ჩემპიონობა თავის ისტორიაში და პირველი 1990 წლის შემდეგ.
Serie A
მოეწონებოდა თუ არა მარადონას კვარაცხელიას თამაში? - დიეგოს შვილის კომენტარი
