ბელგიელი ფეხბურთელი ედენ აზარი, რომელმაც ახლახანს საფეხბურთო კარიერა დაასრულა, მადრიდის რეალში გატარებულ პერიოდს იხსენებს.
"რონალდუს რეალში ჩანაცვლება ჩემთვის ტვირთი არ იყო, რადგან არ ვთვლიდი, რომ ამ გუნდში რონალდუს შემცვლელად მივდიოდი. ჩვენ სხვადასხვა სტილის ფეხბურთელები ვართ.
სეზონზე 60-70 გოლის გატანა ჩემი სტილი არ იყო, მეტიც, ამდენი გოლი ალბათ მთელ კარიერაში მაქვს გატანილი. იქ საკუთარი თავის გამოსავლენად წავედი და არა რონალდუს შემცვლელად, მაგრამ საქმეები კარგად არ წავიდა.
რონალდუს 7 ნომრიანი მაისურის აღება არ მინდოდა. მოდრიჩს ვუთხარი, რომ ჩემთვის 10 ნომრიანი მაისურით დაეთმო და მოეცა, მაგრამ უარი მითხრა", - განაცხადა აზარმა.
შეგახსენებთ, რომ აზარმა რეალის შემადგენლობაში 4 სეზონი ჩაატარა, თუმცა ტრავმების და სხვა პრობლემების გამო, თავი ვერ გამოიჩინა.
