ლივერპულის მთავარმა მწვრთნელმა, არნე სლოტმა თავისი გუნდის სატრანსფერო ფანჯარა შეაფასა. შეგახსენებთ, ინგლისურ გუნდის განკარგულებაში გამოჩნდა გასულ სეზონში გაფორმებული გიორგი მამარდაშვილი, მასთან ერთად კი ფლორიან ვირცი, ჯერემი ფრიმპონგი, მილოშ კერკეზი და უგო ეკიტიკე.
"ჩემზე უკეთ იცით, რომ ეს სატრანსფერო ფანჯარა განსაკუთრებულია როგორც ფეხბურთელების ყიდვის, ისე გაყიდვის თვალსაზრისითაც. ლივერპული დატოვეს ალექსანდერ-არნოლდმა, დიასმა, კელეჰერმა და კუანსამ. ცხადია, შემადგენლობის გასაძლიერებლად ახალი მოთამაშეები გვჭირდებოდა.
არ გამოვრიცხავ იმ ფაქტს, რომ მერსისაიდი კიდევ რომელიმე ფეხბურთელმა დატოვოს. თქვენ უყურებთ მხოლოდ ხარჯვას, მაგრამ ამ ყველაფერს ორი მხარე აქვს. დიახ, სოლიდური თანხა გადავიხადეთ, მაგრამ ასევე გამოვიმუშავეთ კიდეც."
