მადრიდის რეალის ყოფილმა გარემარბმა, ლუიშ ფიგუმ დაასახელა ფეხბურთელი, რომლის გვერდითაც მას თამაში სურდა. ვეტერანი შემტევისთვის ასეთი არის ლივერპულის ლეგენდარული კაპიტანი, სტივ ჯერარდი. როგორც ცნობილია, "სამეფო კლუბი" აქტიურად ცდილობდა მის გადმობირებას, მაგრამ ინგლისელმა შუახაზელმა მერსისაიდს არ უღალატა.
"ყოველთვის მინდოდა ჯერარდის გვერდით თამაში, თუმცა სამწუხაროდ, ეს ვერ მოხერხდა. გული მწყდება, რადგან საუკეთესოების გვერდით ყოფნა მსურდა. სტივმა დაამტკიცა, რომ ის თავის პოზიციაზე მსოფლიოში ერთ-ერთი საუკეთესო იყო. მისი ტრანსფერის ჩაშლით, რეალმა ბევრი დაკარგა, მაგრამ ლივერპულს ნამდვილად გაუმართლა", - განაცხადა ყოფილმა პორტუგალიელმა ვინგერმა.
მადრიდელები ინგლისელ ნახევარმცველს პირველად დაუკავშირდნენ 2005 წელს, სტამბოლის ფინალის შემდეგ, თუმცა მან ტრანსფერზე უარი განაცხადა. იმის შემდეგ, მერსისაიდელთა კაპიტანი "სამეფო კლუბის" სამიზნედ კიდევ რამდენიმე სეზონის მანძილზე რჩებოდა.
