"როსონერიმ" ახალი სეზონი ძალიან ცუდად დაიწყო: ორი მარცხი, ორი ფრე და მხოლოდ ერთი გამარჯვება, რის გამოც, ფონსეკას გაშვების საკითხი დღის წესრიგში დადგა. გავლენიან იტალიურ გამოცემებს თუ დავუჯერებთ, მილანი მომდევნო ტურში, დერბი დელა მადონინაში ინტერთან თუ დამარცხდება, კლუბი ფონსეკას დაკავებული თანანმდებობიდან გაათავისუფლებს.
ამასობაში იტალიური და გერმანული წყაროები საინტერესო ინფორმაციას ავრცელებენ — მილანი ფონსეკას პოტენციურ შემცვლელებს უკვე ესაუბრება, ზლატან იბრაჰიმოვიჩმა ამ საკითხე მუშაობა დაიწყო. განიხილება რამდენიმე ვარიანტი, მათ შორის ედინ ტერზიჩი, მაურიციო სარი და ტომას ტუხელი.
როგორც ირკვევა, იბრაჰიმოვიჩსა და ტერზიჩს შორის პირველი კონტაქტი უკვე შედგა, მეტიც, 41 სპეციალისტი მილანი-ლივერპულის მატჩსაც კი დაესწრო. უახლოეს საათებში, ფონსეკას პოტენციურ შემცვლელებზე უფრო მეტი სიახლე გახდება ცნობილი, იქამდე კი პორტუგალიელი საკუთარი თავის გადასარჩენად ინტერის დამარცხებას შეეცდება.
