იანგს მესისთან ყოველდღიური შეხება აქვს და დიდი წვლილი მიუღძვის მესის ფიზიკურ გამძლეობაში. ის მსოფლიო ჩემპიონატის მიმდინარეობისას არგენტინის ნაკრებშიც იყო.
სანამ ფეხბურთში გადავიდოდა, იანგი რაგბში იყო ფიზ.მომზადების მწვრთნელი, რის შემდეგაც ფეხბურთში გადავიდა და რაგბში მიღებულმა დიდმა გამოცდილებამ გაუმარტივა ფეხბურთში მუშაობა.
"მესის უკვე დიდი ხანია პირადად ვუყურებ, ისეთ რაღაცებს ვხედავ, რომ ახლა ვხვდები, რატომაა ის მსოფლიოში საუკეთესო. მესიმ იცის, რა და როგორ გააკეთოს, რათა სტაბილურად მწვერვალზე იყოს.
ყოველ ვარჯიშზე ის ყველაზე ადრე მოდის და ყველაზე გვიან მიდის. დიდ დროს უთმობს ფიზიკურ ვარჯიშებს, განსაკუთრებით ისეთ ვარჯიშებს, რომელიც ინტენსივობას აუმჯობესებს.
არგენტინის ნაკრებში მისით გაოცებული ვიყავი, თამაში გვქონდა და მეორე დღეს მაინც დიდი დატვირთვით ვარჯიშობდა, თან ისე, რომ სწორი აღდგენა გაეკეთებინა და ეს ყველაფერი დაღლილობაში არ გადასულიყო", - აცხადებს იანგი.
ის, ასევე, საუბრობს მესის მნიშვნელობაზე ამერიკაში და თანამედროვე ფეხბურთელის მოთხოვნილებებზე.
"MLS-ში მესის გადმოსვლამ ფეხბურთი ამერიკაში სულ სხვა დონეზე გადაიყვანა და ბევრად მოთხოვნადი გახდა. ასე მოხდა ბექჰემის გალაქსიში გადასვლის დროსაც.
თანამედროვე ფეხბურთი მთლიანად ფიზიკურ გამძლეობაზე გადავიდა. რაც უფრო კარგად ხარ ფიზიკურად მომზადებული, მოედანზე ბევრი რამ გიმარტივდება, ამიტომ ფეხბურთელები მოედნის მიღმა ამაზე ბევრს მუშაობენ, მათ შორის მესი, ალბა, სუარესი და სხვა ტოპ ფეხბურთელებიც", - აღნიშნა იანგმა.
