MLS-ის მეშვიდე ტურის ფარგლებში, ინტერ მაიამიმ საკუთარ კედლებში კოლორადო რაპიდსი მიიღო. მატჩი ფრე, ანგარიშით 2:2 დასრულდა. მეორე ნახევარში ფლორიდელების მხრიდან მოედანზე ლიონელ მესი გამოჩნდა, რომელმაც 0:1-ის შემდეგ, 57-ე წუთზე, ანგარიშის გათანაბრება შეძლო. მას ტრავმის გამო დაახლოებით ერთი თვე გაუცდა.
როგორც ვხედავთ, არგენტინელი შემტევის გოლი არ აღმოჩნდა საკმარისი, "ვაის სითიმ" ქულები მაინც დაკარგა. მეორე ტაიმში ასევე გამოჩნდნენ სერხიო ბუსკეტსი და ხორდი ალბა, ლუის სუარესი კი მოედანზე არ გამოსულა.
საინტერესოა, რომ მატჩს ესწრებოდა UFC-ის ქვემსუბუქი დივიზიონის ჩემპიონი, ილია თოფურია, რომელმაც ჩეის სთეიდიუმის მთავარი ვარსკვლავი აპლოდისმენტებით დააჯილდოვა.