ლიონელ მესიმ 2023 წლის ზაფხულში ევროპა დატოვა და კარიერა აშშ-ში გააგრძელა, სადაც დღემდე ინტერ მაიამის ღირსებას იცავს.
მესის ტრანსფერის შემდეგ, ინტერ მაიამიმ 11 ხელშეკრულება გააფორმა მსხვილ კომპანიებთან და კლუბის შემოსავალი 4-ჯერ, 50 მილიონიდან 200 მილიონ დოლარამდე გაიზარდა.
გასაკვირი არ არის, რომ რეკორდულად იყიდება 37 წლის არგენტინელი ვარსკვლავის 10 ნომრიანი მაისურებიც და როგორც კლუბი, ასევე ადიდასი ყოველწლიურად უდიდეს მოგებას ნახულობს.
მესის მაისურების ბუმის გამო, MLS-მა წესი შეცვალა, რომელიც წლებია უკვე დამკვიდრებულია — კლუბებს ახალი სეზონის დაწყებამდე მხოლოდ საშინაო ან საგარეო ფორმის შეცვლა შეუძლიათ და ორივესი ერთად დაუშვებელია. ინტერ მაიამის კი სურს, რომ სათამაშო ფორმები ერთდროულად შეცვალოს და კიდევ უფრო მეტი შემოსავალი მიიღოს, რაზეც MLS დათანხმდა.
მესის ეფექტი — ინტერ მაიამის რეკორდული შემოსავლები და MLS-ის მიერ შეცვლილი წესი
