როგორც მოსალოდნელი იყო, მიმდინარე მსოფლიო ჩემპიონატზე ლეო მესიმ ისტორიული რეკორდი დაამყარა და ამ ტურნირის ყველა დროის ბომბარდირი გახდა. მოგეხსენებათ, აქამდე ეს რეკორდი მიროსლავ კლოზეს ეკუთვნოდა.
ამ ფაქტს თავად გერმანელი ფეხბურთელი გამოეხმაურა და ლეო მესიზე ისაუბრა.
"მე და არგენტინის ამჟამინდელი მწვრთნელი ლიონელ სკალონი ლაციოში თანაგუნდელები ვიყავით და ერთმანეთს კარგად ვიცნობთ.
სკალონის მხრიდან მესისა და ჩემს შორის სატელეფონო საუბარი შედგა, ეს საკმაოდ ამაღელვებელი იყო ჩემთვის.
ჩვენ მოედანზე ერთმანეთთან არაერთხელ გვითამაშია, თუმცა ტელეფონზე მესისთან პირადად საუბარი ძალიან ემოციური იყო. მან მითხრა, რომ ხელმოწერილ მაისურს გამომიგზავნიდა", - განაცხადა კლოზემ.
