ოფიციალური გვერდი გვთავაზობს წლის სიმბოლურ გუნდს, სადაც რამდენიმე ნაცნობი სახეა, მათ შორის ლეო მესი, რომელსაც საოცარი სეზონი ჰქონდა და შესაძლოა, წლის საუკეთესო ფეხბურთელადაც დასახელდეს.
მესის ანგარიშზე 21 გოლი და 18 საგოლე გადაცემაა, თუმცა ამ საოცარი სტატისტიკის მიუხედავად, ლეო თავის გუნდთან ერთად შორს ვერ გავიდა და ფლეი-ოფში ატლანტასთან დამარცხდა.
ამის გათვალისწინებით, არის იმის ალბათობა, რომ მესის წლის MVP-ს ტიტული არ გადასცენ და საუკეთესოდ ასევე ყველასთვის ნაცნობი კრისტიან ბენტეკე დასახელდეს.
DC იუნაიტედის ბელგიელი ფორვარდი 23 გოლით ჩემპიონატის ბომბარდირი გახდა და წლის საუკეთესოების ნომინანტთა შორისაა წარდგენილი.
ბენტეკეს პრემიერ ლიგური კარიერა ყველას გვახსოვს, როცა ის წლების განმავლობაში ლივერპულში, ასტონ ვილასა და კრისტალ პალასში გამოდიოდა. 3 წელია ის MLS-ის ერთ-ერთი გამორჩეული ფეხბურთელია.
