ინტერ მაიამიმ დაამარცხა მონრეალ იმპექტი, ანგარიშით 3:2. ლიონელ მესის ამჯერად არც გოლი გაუტანია და არც საგოლე გადაცემა გაუკეთებია. ამასთან ერთად, არგენტინელმა შემსრულებელმა შეიტყო MLS-ის უცნაური წესის შესახებ, რომელიც თამაშში დაბრუნებას ეხება. ყველაფერი მოხდა მაშინ, როდესაც ფლორიდელთა კაპიტანმა დაზიანება მიიღო.
ტრავმის შემდეგ, 36 წლის შემტევმა დატოვა მოედნის ფარგლები, სამედიცინო დახმარების მიღებისთანავე კი მან მომენტალურად გადაწყვიტა დაბრუნება, მაგრამ MLS-ის წესების თანახმად, მოედნის ფარგლების დატოვების შემდეგ, მოთამაშემ მინიმუმ 2 წუთი უნდა მოიცადოს. "ვაის სითის" მე-10 ნომერს ლოდინი მოუწია.
"ასეთი წესებით, ძალიან გაგვიჭირდება", - განაცხადა მესიმ კამერაზე. შეგახსენებთ, რომ დევიდ ბექჰემის კლუბში გადასვლის შემდეგ, მის ანგარიშზე 26 მატჩში 23 გატანილი ბურთია. 13 თამაშის შემდეგ, ჩეის სთეიდიუმის ბინადრები ლიდერობენ როგორც აღმოსავლეთ კონფერენციის სატურნირო ცხრილს, ისე MLS-ის ზოგად ცხრილსაც.
