ინტერ მაიამი MLS-ის რეგულარული ჩემპიონატის ტრიუმფატორი ვადაზე ადრე გახდა. ახალმა ჩემპიონმა კოლამბუს ქრიუ დაამარცხა, შემდეგ კი თასი აღმართა. მატჩის გმირად მოგვევლინა ლეო მესი, რომელმაც დუბლი გაიფორმა. როგორც ვხედავთ, ლეგენდარულმა ფლეიმეიქერმა თავის კარიერაში 46-ე ჯილდო მოიგო.
MLS-ის შემდეგ ტურში არგენტინელ შემტევს შეუძლია კიდევ ერთი გამორჩეული მიღწევის დავიქსირება - ფლორიდული გუნდის ყველა დროის საუკეთესო გოლეადორობა. პირველ პოზიციაზე ამ დროისთვის არის ლეონარდო კამპანა, რომელმაც "ვაის სითიში" გაიტანა 31 ბურთი, არგენტინის ეროვნული გუნდის კაპიტანს 1 გოლით ნაკლები აქვს.
გუშინდელი შეხვედრის შემდეგ, ტატა მარტინოს გუნდის მე-10 ნომერმა გადაასწრო გონსალო იგაუინს, რომელმაც ვარდისფერი მაისურით 29 გოლის გატანა მოასწრო. 5 ოქტომბერს ჩეის სთეიდიუმის ბინადრები ესტუმრებიან ტორონტოს და იმ შემთხვევაში, თუ "ლა პულგა" გაიტანს 2 ბურთს, ის პირველ პოზიციაზე გადაინაცვლებს.
