წლების განმავლობაში, ქარმაიკლი მოყვარულთა ლიგის გუნდებში თამაშობდა. 2 წლის წინ კი ამერიკაში სასწავლებლად წავიდა და იქაური უნივერსიტეტის გუნდში ირიცხებოდა.
ჰოფსტრას კოლეჯში ჩატარებულ 75 შეხვედრაში მან 46 გოლი გაიტანა. ინტერ მაიამისთვის ეს შეუმჩნეველი არ დარჩენილა, 2023 წლის დეკემბერში ის დრაფტზე აიყვანეს.
"ერთხელ, მეგობარს გავეხუმრე, აი ნახავ, იმდენს მივაღწევ, რომ მომდევნო წელს ლეო მესის თანაგუნდელი გავხდები-მეთქი და მართლა ასე მოხდა. არადა, ეს არარეალური მეგონა", - განაცხადა ჩრდ.ირლანდიელმა ფეხბურთელმა.
ქარმაიკლი ინტერ მაიამის მეორე გუნდში თამაშობდა, თუმცა უკვე რამდენიმე თვეა ძირითად გუნდთან ერთად ვარჯიშობს და გასახდელის ემოციებს თავის კუმირთან ერთად ყოველდღიურად იზიარებს.
"როცა გავიგე, რომ ინტერ მაიამიმ ამიყვანა, შოკში ვიყავი. ლეო მესი მსოფლიოს საუკეთესო ფეხბურთელია და ამაში ახლა უფრო დავრწმუნდი. მესი მოედანზე უმარტივესად ისეთ რაღაცეებს აკეთებს, რაც სხვებისთვის ურთულესი ამოცანაა. 2 წლის წინ რომ ეთქვათ, მესის თანაგუნდელი გახდებიო, გავიცინებდი", - ამბობს 23 წლის შემტევი.
ქარმაიკლის ინტერ მაიამის ძირითად გუნდში ჯერ არ უთამაშია, თუმცა მისი ზღაპრული ისტორია გრძელდება და შესაძლოა, მალე ის თავის კუმირთან ერთად უკვე უშუალოდ სტადიონზე, თამაშის დროს ვიხილოთ.
