დღეს, თბილისის დროით 19:30 საათზე, საქართველოს ეროვნული ნაკრები ქალაქ რიგაში უკრაინის ნაკრებს დაუპირისპირდება! ალექსანდარ ჯიკიჩის გუნდი ზედიზედ მე-2 მსოფლიო ჩემპიონატზე გასასვლელად ბრძოლას აგრძელებს და დღეს გასამართი მატჩი ამ მხრივ უმნიშვნელოვანესია.
მიუხედავად იმისა, რომ ჩვენს ნაკრებს მომდევნო ჯგუფური ეტაპის საგზური უკვე განაღდებული აქვს, უკრაინასთან მოგებას მაინც უდიდესი მნიშვნელობა ენიჭება. თითოეული მოპოვებული ქულა გუნდებს მეორე რაუნდშიც გადაჰყვებათ, სადაც კიდევ 6 მატჩი ელით და სწორედ ამ ჯამური შედეგით გაირკვევა, მოიპოვებენ თუ არა მსოფლიო პირველობის საგზურს.
ჩვენმა ნაკრებმა საკმაოდ ნაყოფიერი მოსამზადებელი ეტაპი გაიარა. ჯიკიჩის შეგირდებმა ორი ამხანაგური მატჩი ჩაატარეს, საიდანაც პირველ მატჩში ანგოლასთან დამარცხდნენ, ხოლო მეორე შეხვედრაში ლატვიას აჯობეს.
ნაკრებისთვის უმნიშვნელოვანესი სიახლეა გუნდის კაპიტნის, თორნიკე შენგელიას მწყობრში ყოფნა. თოკომ საკლუბო დონეზე გრძელი, მძიმე და მომქანცველი სეზონი სულ რაღაც 5 დღის წინ დაასრულა. მიუხედავად მინიმალური დასვენებისა, ის ნაკრებს შეკრებაზე 27 ივნისს შეუერთდა და დღეს სათამაშოდ სრულ მზადყოფნაშია.
საქართველოს ნაკრებს უკრაინასთან და ესპანეთთან მატჩებში ვერ დაეხმარება სანდრო მამუკელაშვილი. 27 წლის კალათბურთელი რამდენიმე დღის წინ თავისუფალი აგენტი გახდა და იმის მიუხედავად, რომ მისი ლეიკერსში გადასვლა გადაწყვეტილია, ქართველ მოთამაშეს მოქმედი საკლუბო კონტრაქტი ჯერ არ აქვს, რის გამოც მისი დაზღვევა იურიდიულად შეუძლებელია და სამატჩო განაცხადშიც ვერ მოხვდება.
საქართველოს ნაკრების განაცხადი:
საქართველო-უკრაინის მატჩი რომელიც 2025 წლის 27 ნოემბერს გაიმართა, სტუმრების გამარჯვებით დასრულდა, შესაბამისად, დღეს ჩვენი ბიჭები ყველაფერს გააკეთებენ, რათა საკმაოდ უხერხული მეტოქე დაამარცხონ და უმნიშვნელოვანესი გამარჯვება მოიპოვონ.
![[VIDEO] პეპს უფრო და უფრო ემსგავსება - მარესკამ გუარდიოლასგან კიდევ ერთი თვისება აიღო](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUXKewH8qSoOsPv8uyjZZEsG9OoCHiwgY.png&w=3840&q=75)
