ევროსეზონი ოფიციალურად დაიწყო! დღეს, გაიხსნება პრემიერ ლიგის 2025/2026 წლების სეზონიც - მოქმედი ჩემპიონის, ლივერპულისა და ბორნმუთის შეხვედრით. განვიხილოთ, თუ რას უნდა ველოდოთ ინგლისის ჩემპიონატის მთავარ ფავორიტ მერსისაიდელებისგან, რომელთა რიგებში უკვე გიორგი მამარდაშვილიც ირიცხება.
პრემიერ ლიგის სეზონი მოქმედი ჩემპიონის მატჩით გაიხსნება
ლივერპულმა სატრანსფერო ბაზარზე მოახდინა ნამდვილი სენსაცია და რაც ყველაზე მთავარია, პრემიერ ლიგის მოქმედი ჩემპიონი გაჩერებას ჯერ არ აპირებს. გზაშია ჯოვანი ლეონი და მის გარდა, ალექსანდერ ისაკთან მიმართებაში დასრულებული ჯერჯერობით არაფერია. ფაქტია, შვედ ფორვარდს სურს ნიუკასლის დატოვება და მერსისაიდში გადასვლა.
ფლორიან ვირცი, ჯერემი ფრიმპონგი, მილოშ კერკეზი, უგო ეკიტიკე და რა თქმა უნდა, გიორგი მამარდაშვილი. დიახ, "წითლების" განახლება მართლაც საოცარია. ცალკე გამოსარჩევია გოლკიპერებს შორის კონკურენცია ენფილზე, სადაც ალისონ ბეკერი ქართველი კარის დარაჯისთვის პოზიციების დათმობას არ აპირებს.
ინგლისის სუპერ თასზე არნე სლოტის გუნდის კარს იცავდა ბრაზილიელი მეკარე, ვალენსიას ყოფილი კარის დარაჯი კი სათადარიგოთა სკამზე აღმოჩნდა. ვნახოთ, რა მოხდება ლივერპულის კარის გარშემო სეზონის მიმდინარეობისას. დღეს, თავის შეხვედრას ჩაატარებს ინგლისის ჩემპიონატის მთავარი ფავორიტი და ეს სტატუსი საფუძველს მოკლებული ნამდვილად არ არის.
ყველა გამორჩეული მატჩი, პარასკევიდან - კვირამდე
| თარიღი | დრო | მატჩი | ტურნირი |
| 15/08/2025 | 23:00 | ლივერპული - ბორნმუთი | პრემიერ ლიგა |
| 16/08/2025 | 19:00 | ლანსი - ლიონი | ლიგა 1 |
| 16/08/2025 | 20:30 | ვულვზი - მან სიტი | პრემიერ ლიგა |
| 16/08/2025 | 21:30 | მალიორკა - ბარსელონა | ლა ლიგა |
| 16/08/2025 | 22:00 | სენტ-ეტიენი - როდეზი | ლიგა 2 |
| 16/08/2025 | 22:30 | შტუტგარტი - ბაიერნი | გერმანიის სუპერ თასი |
| 17/08/2025 | 05:30 | კოლორადო - ატლანტა | MLS |
| 17/08/2025 | 17:00 | ჩელსი - კრისტალ პალასი | პრემიერ ლიგა |
| 17/08/2025 | 19:15 | მეცი - სტრასბურგი | ლიგა 1 |
| 17/08/2025 | 19:30 | მან იუნაიტედი - არსენალი | პრემიერ ლიგა |
| 17/08/2025 | 22:45 | ნანტი - პსჟ | ლიგა 1 |
| 17/08/2025 | 23:15 | მილანი - ბარი | კოპა იტალია |
| 17/08/2025 | 23:30 | ესპანიოლი - ატლეტიკო | ლა ლიგა |
| 17/08/2025 | 23:30 | სპორტინგი - არუკა | პრიმეირა ლიგა |
