დღეს გაიმართება ქალთა ჩემპიონთა ლიგის საკვალიფიკაციო ეტაპის შეხვედრა საქართველოს ჩემპიონ ნიკე ლუსოსა და პოლონეთის ჩემპიონ სასნოვიეცს შორის.
ნიკე ლუსომ გასული სეზონი დამაჯერებლად მოიგო, წელსაც კარგ ფორმაშია და ამ მნიშვნელოვანი ტურნირის წინ, ლეგიონერებით გაძლიერდა.
რაც შეეხება სასნოვიეცს, ისინი პოლონეთის ჩემპიონატში დომინანტები არიან, ბოლო 5 მატჩიდან 4 მოიგეს, 1 ფრე ითამაშეს, თან საკუთარი მოედნის უპირატესობაც აქვთ.
ლუსო პოლონეთის ქალაქ კატოვიცეცია, მატჩისწინა ვარჯიში გამართა და სრულად მზადაა პოლონეთის ჩემპიონთან სათამაშოდ.
გაგა კირკიტაძე (ნიკე ლუსოს მთავარი მწვრთნელი): "კონკრეტულად ამ თამაშისთვის ძალიან კარგად მოვემზადეთ, ორი ამხანაგური თამაში გვქონდა, სადაც ბევრი რამ დავინახეთ. ჩემთვის მნიშვნელოვანია, რომ ამ მატჩისთვის გუნდში მენტალურად კარგი განწყობა ყოფიყო, რაზეც ბევრი ვიმუშავეთ. ჩვენი მეტოქე საკმაოდ კარგი და ორგანიზებული გუნდია, თუმცა გვაქვს შესაძლებლობა, რომ სასურველ შედეგს მივაღწიოთ"
თათია გაბუნია (ნიკე ლუსოს ფეხბურთელი): "გუნდში ძალიან კარგი განწყობაა, ვემზადებით ამ მნიშვნელოვანი მატჩისთვის. პოლონეთში მცხოვრებ ქართველებს მოგიწეოდებთ მოხვიდეთ და გვიგულშემატკივროთ"
სასნოვიეცი - ნიკე ლუსო
ჩემპიონთა ლიგის პირველი საკვალიფიკაციო ეტაპი
22 ივლისი, 20:00
არკელომირტალ პარკი, კატოვიცე
მთავარი მსაჯი: სარა ტელეკი (ავსტრია)
