კვირის მატჩის დღე - პრემიერ ლიგის ლიდერის, არსენალის მთავარი მდევარი, მანჩესტერ სიტი ჩემპიონთა ლიგის ზონაში შესვლისთვის მებრძოლ კრისტალ პალასს ესტუმრება. განვიხილოთ, თუ რას უნდა ველოდოთ ამ შეხვედრისგან.
კრისტალ პალასი V მანჩესტერ სიტი
მან სიტიმ პრემიერ ლიგის გასულ ტურში სანდერლენდის დამარცხებით, არსენალთან სხვაობა ორ ქულამდე შეამცირა. წუხელ, პრემიერ ლიგის ლიდერმა ლონდონურმა კლუბმა მოუგო ვულვზს და საჩემპიონო რბოლაში დასარჩენად მანჩესტერელებს პალასთან შეცდომის დაშვების უფლება არ აქვთ.
"არწივების" დამარცხება არ იქნება მარტივი, იმის გათვალისწინებით, რომ მაღალი მიზნებისთვის დღევანდელი მატჩის მასპინძლებიც იბრძვიან. ინგლისის ჩემპიონატში გამართული 15 ტურის შემდეგ, ლონდონელები 26 ქულით იკავებენ მე-5 პოზიციას და 4-ეულს 2 ქულით ჩამორჩებიან.
ნოემბრის ბოლოს, მანჩესტერ იუნაიტედთან მარცხის შემდეგ, ოლივერ გლასნერის გუნდმა ზედიზედ სამმატჩიანი გამარჯვებათა სერია გამოაცხო. სელჰერსტის ბინადრებმა ინგლისის ჩემპიონატში მოუგეს მეზობელ ფულჰემსა და ბარნლის, კონფერენს ლიგაზე კი შელბურნს.
ეს იქნება აღნიშნული გუნდების რიგით 68-ე მატჩი - იქამდე, 33-ჯერ იმარჯვეს, "ქალაქელებმა", 17-ჯერ - კრისტალ პალასის ფეხბურთელებმა, ასევე 17 შეხვედრა ფრედ დასრულდა. ლონდონელთა კარი სხვადასხვა დროს 7-ჯერ აღებული აქვთ იაია ტურესა და რაჰიმ სტერლინგს, რაც ამ გუნდების დუელში საუკეთესო შედეგია.
კვირის მატჩის დღე
| მილანი - სასუოლო | 15:30 | სერია ა |
| შალკე - ნიურნბერგი | 16:30 | ბუნდესლიგა 2 |
| კრისტალ პალასი - მანჩესტერ სიტი | 18:00 | პრემიერ ლიგა |
| უდინეზე - ნაპოლი | 18:00 | სერია ა |
| აუსტრია - შტურმი | 20:00 | ბუნდესლიგა ავსტრია |
| ბაიერნი - მაინცი | 20:30 | ბუნდესლიგა |
| ჯენოა - ინტერი | 21:00 | სერია ა |
| ლევანტე - ვილიარეალი | 21:30 | ლა ლიგა |
| ბოლონია - იუვენტუსი | 23:45 | სერია ა |
| ალავესი - რეალი | 23:55 | ლა ლიგა |
