დღეს, მიხეილ მესხის სახელობის სტადიონზე საქართველოს ნაკრები ამხანაგურ შეხვედრას რუმინეთის ნაკრებს წინააღმდეგ გამართავს.
საქართველოს ნაკრების კაპიტანი გურამ კაშია ბოლო შეხვედრას ნაკრების მაისურით სწორედ დღეს გამართავს და გულშემატკივარს დაემშვიდობება.
ეროვული ნაკრები ამ მატჩს შედარებით შეცვლილი შემადგენლობით შეხვდება, განსაკუთრებით შეტევაში, რადგან გუნდის მთავარი ლიდერები, ხვიჩა კვარაცხელია და ჟორჟ მიქაუტაძე რუმინეთთან არ იქნებიან.
მარტის სანაკრებო პაუზაზე ვილი სანიოლმა კარგი განწყობა შეიქმნა, ხანგრძლივი მოუგებელი სერია შეწყვიტა და სტუმრად ლიეტუვა დაამარცხა.რაც შეეხება რუმინეთს, საქართველოს მსგავსად, რუმინელებიც მუნდიამლს მიღმა დარჩნენ და ივნისის სანაკრებო მატჩებს ისინიც ერთა ლიგის ციკლისთვის მოსამზადებლად გამოიყენებენ.
ვილი სანიოლი (საქართველოს ნაკრების მწვრთნელი): "ბევრი ფეხბურთელი გვაკლია, რადგან ივნისია და საკლუბო სეზონი ახალი დამთავრებულია. ბევრ მოთამაშეს მიეცემა შანსი, ამხანაგური მატჩები ხომ სწორედ ამისთვის არის. მთავარი მაინც სექტემბრის თამაშებისთვის მომზადება იქნება. ახალ ეტაპს სათანადოდ უნდა შევხვდეთ., ეს არის კაშიას ბოლო მატჩი და იმედია ფეხბურთელები ხვდებიან, თუ რამხელა პასუხისმგებლობა არის ეს. კვარაცხელია? მან დამირეკა და ნაკრებთან ყოფნის სურვილი გამოთქვა. ეროვნული გუნდი ძალიან უყვარს. მეორე თამაშისთვის აუცილებლად მზად იქნება"
გეორგე ჰაჯი (რუმინეთის ნაკრების მთავარი მწვრთნელი): “საქართველოს კარგი, უკვე საკმაოდ გამოცდილი გუნდი ჰყავს. ახლო წარსულში ამ გუნდის პროგრესი ვნახეთ - მათ ძალიან კარგი მთავარი მწვრთნელი და ფეხბურთელები ჰყავთ. ჩემი შეფასებით, საქართველოს ნაკრებს ბურთის ფლობა უყვარს, თუმცა ქართველები კონტრშეტევებზეც კარგად თამაშობენ. ქართველი შემტევების წინააღმდეგ ძალიან ფრთხილად უნდა ვიყოთ.”
ურთიერთშეხვედრები:
საქართველო-რუმინეთი 0:2 (2001 წელი)
რუმინეთი-საქართველო 1:1 (2001 წელი)
რუმინეთი-საქართველო 3:0 (2004 წელი)
რუმინეთი-საქართველო 2:1 (2008 წელი)
რუმინეთი-საქართველო 5:1 (2016 წელი)
რუმინეთი-საქართველო 1:2 (2021 წელი)
საქართველო - რუმინეთი
ამხანაგური მატჩი
2 ივნისი, 21:00
მიხეილ მესხის სტადიონი, თბილისი
საქართველოს ნაკრების სავარაუდო შემადგენლობა: მამარდაშვილი, მამაგეიშვილი, კაშია, გოგლიჩიძე, ლოჩოშვილი, აზაროვი, კიტეიშვილი, მექვაბიშვილი, ჩაკვეტაძე, ქოჩორაშვილი, ზივზივაძე
