დღეს გაიმართება კონფერენს ლიგის მეორე საკვალიფიკაციო ეტაპის მატჩი ჟალგირისსა და დინამო თბილისს შორის.
ამ გუნდებს შორის გამართული პირველი მატჩი თბილისში შედგა და დინამოელთა დამაჯერებელი გამარჯვებით 3:0 დასრულდა.
თუმცა როგორც გუნდის მთავარმა მწვრთნელმა თემურ ქეცბაიამ აღნიშნა, დასრულებული არაფერია და ყველაფერი განმეორებით მატჩში გადაწყდება.
ისიც უნდა აღინიშნოს, რომ პირველი მატჩის მეორე ტაიმში ჟალგირისი გააქტიურდა და დინამოელთა კართან რამდენიმე სახიფათო მომენტი შექმნა.
თუ დინამო თბილისი ამ ბარიერს გადალახავს, ჰაიდუკსა და პაფოსს შორის დამარცხებულს შეხვდება.
ჟალგირისი - დინამო თბილისი
კონფერენს ლიგა, მეორე საკვალიფიკაციო ეტაპი
30 ივლისი, 21:00
LFF, ვილნიუსი
დინამო თბილისის სავარაუდო შემადგენლობა: ლორია, პსალტისი, კურდიჩი, უგრეხელიძე, კალანდაძე, ნინუა, ოსეი, კოუტუ, სანტოსი, კვარაცხელია, ბა.
