ბენფიკა V ბარსელონა
ბარსელონამ ლა ლიგაში გაფლანგა უპირატესობა და ამ დროისთვის მესამე ადგილზეა. ლიდერ მადრიდის რეალთან ჩამორჩენა შეადგენს შვიდ ქულას და უნდა აღინიშნოს ისიც, რომ პრიმერა დივიზიონის ბოლო 8 ტურში "ბლაუგრანამ" მხოლოდ 1 მატჩი მოიგო. რაც შეეხება ჩემპიონთა ლიგას, ამ ტურნირზე კატალონიელებისთვის ყველაფერი უფრო მშვიდობიანი სცენარით ვითარდება.
ექვსი ტურის შემდეგ, "ლურჯ-ბროწეულისფრები" 15 ქულით მეორე ადგილზე არიან. ესპანურმა გრანდმა უკვე გაინაღდა 24 საუკეთესო გუნდს შორის ყოფნა და ბოლო 2 ტურში საუკეთესო 8 წარმომადგენელს შორის დამკვიდრებასაც ეცდება. აღსანიშნავია, რომ ტურნირის საუკეთესო ბომბარდირები არიან ასევე კამპ ნოუს ბინადრები: რობერტ ლევანდოვსკი (7 ბურთი) და რაფინია ბელოლი (6 ბურთი).
რაც შეეხება ბენფიკას, 10 ქულა და მე-15 ადგილი. როგორც ვხედავთ, პორტუგალიურ გუნდს შეცდომის დაშვების უფლება არ აქვს. ჰანს-დიტერ ფლიკის განკარგულებაში არ იქნებიან ინიგო მარტინესი, დანი ოლმო და მარკ ბერნალი. ლისაბონელებს არ ეყოლებათ რენატუ სანჩესი და ასევე საეჭვოა ანხელ დი მარიას თამაშიც.
ეს იქნება რიგით მე-10 დაპირისპირება ამ გუნდებს შორის. აქამდე სამჯერ იმარჯვა ბარსელონამ, ორჯერ "არწივებმა", ოთხი შეხვედრა კი ფრედ დასრულდა. დარვინ ნუნიესი არის ერთადერთი მოთამაშე, რომელმაც "ბლაუგრანასა" და "წითლების" დაპირისპირებაში 1-ზე მეტი ბურთის გატანა შეძლო.
ჩემპიონთა ლიგის სამშაბათის ყველა მატჩი:
21:45 - მონაკო-ასტონ ვილა
21:45 - ატალანტა-შტურმი
23:55 - ბენფიკა-ბარსელონა
23:55 - ატლეტიკო-ლევერკუზენი
23:55 - ლივერპული-ლილი
23:55 - ბრიუგე-იუვენტუსი
23:55 - ბოლონია-დორტმუნდი
23:55 - სლოვანი-შტუტგარტი
23:55 - ცრვენა ზვეზდა-პსვ
