ჩემპიონთა ლიგა დასკვნით ფაზაში შედის, წინ - მეოთხედფინალებია. დღეს გაიმართება ორი შეხვედრა - მიუნხენის ბაიერნი უმასპინძლებს მილანის ინტერს, მადრიდის რეალი კი ლონდონის არსენალს ესტუმრება. მიმოვიხილოთ, თუ რა ხდება აღნიშნული წყვილების გარშემო.
ბაიერნი VS ინტერი (23:00)
აღნიშნული გუნდების რიგით მე-10 დაპირისპირება. წინა ცხრა მატჩში ხუთჯერ იმარჯვა ბაიერნმა, სამჯერ - ინტერმა, ერთი თამაში კი ფრედ დასრულდა. როგორც ვხედავთ, სტატისტიკა არის მიუნხენელთა მხარეს, მაგრამ არ უნდა დაგვავიწყდეს ის ფაქტი, რომ მილანელებმა გერმანულ კლუბს მოუგეს ჩემპიონთა ლიგის ფინალში, 2010 წელს.
რაც შეეხება განვლილ გზას, "რეკორდმაისტერი" ჩემპიონთა ლიგის ფაზაში არ მოხვედრილა რვა საუკეთესო გუნდს შორის, რის გამოც ამ გუნდს მოუწია პლეიოფის თამაში. ბავარიელებმა ჯერ მოუგეს გლაზგოს სელტიკს, 1/8 ფინალში კი ლევერკუზენის ბაიერს. "ნერაძური" 8 საუკეთესოს შორის აღმოჩნდა და მხოლოდ 1/8 ფინალით შემოიფარგლა.
"გველებმა" დაამარცხეს როტერდამის ფეიენოორდი, რომელმაც თავის მხრივ პლეიოფში მილანს მოუგო. რაც შეეხება დღევანდელ მატჩს, საკადრო პრობლემებს განიცდის ორივე კლუბი, მაგრამ უფრო მეტად ალიანც არენას ბინადრები. სიმონე ინძაგის გუნდთან შეხვედრისთვის მათ 8 მოთამაშე არ ეყოლებათ.
ესენი არიან - მანუელ ნოიერი, კინგსლი კომანი, ალფონსო დევისი, ჯამალ მუსიალა, დაიო უპამეკანო, ალექსანდარ პავლოვიჩი, ჰიროკი იტო და ტარეკ ბუხმანი. მეაცას ბინადრების განკარგულებაში კი არ იქნება 4 მოთამაშე: მეჰდი ტარემი, პიოტრ ჟელინსკი, კრისტიან ასლანი და ვალენტინ კარბონი.
არსენალი VS რეალი (23:00)
აღნიშნული გუნდების სულ რაღაც მესამე დაპირისპირება. საინტერესოა ის, რომ ურთიერთმატჩების ისტორია არსენალის მხარეს არის. 2005/2006 წლების სეზონში ეს კლუბები ერთმანეთს შეხვდნენ 1/8 ფინალში და ლონდონელებმა ჯერ ბერნაბეუზე მოიგეს, შემდეგ კი შინ უგოლო ფრე გააგორეს. როგორც ვხედავთ, რეალს "მეთოფეებისთვის" არასდროს მოუგია.
რაც შეეხება აღნიშნული გუნდების განვლილ გზას, მადრიდელებმა პლიოფში ბრძოლას გამოთიშეს მანჩესტერ სიტი, მერვედფინალში კი თანაქალაქელი ატლეტიკო. "კანონირებმა" ლიგის ფაზაში დაიკავეს მე-3 პოზიცია და ითამაშეს პირდაპირ 1/8 ფინალი, რომელშიც დედაქალაქურმა კლუბმა პსვ ეინდჰოვენი გაანადგურა.
ორივე გუნდში საკადრო პრობლემებია. დავიწყოთ "ბლანკოსით", რომელსაც დღეს არ ეყოლება ხუთი ფეხბურთელი - დანი კარვახალი, ედერ მილიტაო, დანი სებალიოსი, ფერლან მენდი და ორელიან ჩუამენი. 6 მოთამაშის გარეშე იქნებიან ემირეიტსის ბინადრები: რაჰიმ სტერლინგი, გაბრიელ ჟეზუსი, კაი ჰავერცი, გაბრიელ მაგალიაესი, რიკარდო კალაფიორი და ტაკეჰირო ტომიასუ.
#კვარას ჩემპიონობა, მამარდას სუპერმატჩი რეალთან - რა გველის ჩემპიონთა ლიგის მეოთხედფინალებში?
მილანში მორიგი მასშტაბური რეორგანიზაცია განხორციელდა, რის შედეგადაც გუნდი მთავარმა მწვრთნელმა, აღმასრულებელმა დირექტორმა, სპორტულმა დირექტორმა და მთავარმა სკაუტმა დატოვეს. დიახ, "როსონერი“ ცხელი ზაფხულის მოლოდინშია — იტალიური პრესა კი ბოლო საათებში მხოლოდ ლომბარდიულ გრანდზე წერს.…
ოფიციალურად — მასიმილიანო ალეგრი მილანის მთავარი მწვრთნელი აღარ არის! იტალიურმა კლუბმა ამის შესახებ განცხადება საკუთარ საიტზე სულ რამდენიმე წუთის წინ გააკეთა. მასიმილიანო ალეგრის გუნდიდან გაშვება მას შემდეგ გადაწყდა, რაც მილანმა სერია A- ბოლო ტურში ჩემპიონთა ლიგის საგზური ვერ მოი…
შეთანხმება შედგა — ჯენარო გატუზო ლაციოს ახალი მთავარი მწვრთნელი გახდება! იტალიელი სპეციალისტი მაურიციო სარის შეცვლის, რომელიც "არწივებს" უახლოეს საათებში ოფიციალურად დატოვებს. მას შემდეგ, რაც ჯენარო გატუზომ იტალიის ეროვნული ნაკრები დატოვა, 48 წლის სპეციალისტი არაერთ კლუბს დაუკავშ…
საქართველოს 20 წლამდე მორაგბეთა ნაკრები სამხრეთ აფრიკის 20-წლამდელთა საერთაშორისო სერიის მეორე შეხვედრას ხვალ, საქართველოს დამოუკიდებლობის დღეს, 26 მაისს ჩილეს წინააღმდეგ გამართავენ. სერიის პირველ მატჩში უმცროსმა ბორჯღალოსნებმა ფიჯი დაძაბულ ბრძოლაში 29:23 დაამარცხა. მომავალი შეხვ…
30 მაისს გასამართი ჩემპიონთა ლიგის ფინალის წინ, სადაც პსჟ არსენალს დაუპირისპირდება, უეფას კითხვებს პარიზელთა ქართველმა შემტევმა ხვიჩა კვარაცხელიამ უპასუხა. ხვიჩა, ბაიერნთან შენი თამაში ყველამ დადებითად შეაფასა და ამბობენ, რომ უმაღლეს დონეზე ჩაატარე, თუმცა რა კომპონენტის გაუმჯობეს…
კომო ჩემპიონთა ლიგაზე ითამაშებს. იყო დრო, როდესაც ეს კლუბი იმყოფებოდა გაკოტრების პირას, თუმცა 2019 წლის შემდეგ, მხოლოდ წინსვლა შეინიშნება "ბიანკობლუს" გარშემო. ყველაფერი დაიწყო მას შემდეგ, რაც კლუბი შეიძინეს ძმებმა მაიკლ და რობერტ ჰარტონოებმა, თამბაქოს ბიზნესში მოღვაწე მაგნატებმა…
საქართველოს 21-წლამდე ნაკრები, ივნისში, 2 ამხანაგურ მატჩს გამართავს. 5 ივნისს, ჩვენი გუნდი ბულგარეთის ქალაქ ბლაგოევგრადში აშშ-ს დაუპირისპირდება, ხოლო 9 ივნისს ნისპორენში მოლდოვას შეხვდება. რამაზ სვანაძემ, აღნიშნული მატჩებისთვის 23 ფეხბურთელი გამოიძახა. მათ შორის - რატი გრიგალავა,…