ლა ლიგის 35-ე ტურში გაიმართება ელ კლასიკო - ბარსელონა მადრიდის რეალს მიიღებს. განვიხილოთ, თუ რას უნდა ველოდოთ ამ მატჩისგან.
ბარსელონა V რეალი | 23:00
35-ე ტურის წინ, ლა ლიგის სატურნირო მდგომარეობა ასეთია - პირველ ადგილზე 88 ქულით არის ბარსელონა და უახლოეს მდევარს, სწორედ რეალს 11 ქულით უსწრებს. შთამბეჭდავი სხვაობის მიუხედავად, კატალონიელებს ჯერ არ გაუფორმებიათ პრიმერა დივიზიონის ჩემპიონობა, რადგან მადრიდი გადასწრების თეორიულ შანსს ინარჩუნებს.
ეს ყველაფერი შესაძლოა დასრულდეს დღესვე, იმ შემთხვევაში, თუ "სამეფო კლუბი" ვერ გაიმარჯვებს. დიახ, "ბლაუგრანას" ჩემპიონობისთვის ფრეც აწყობს. რაც შეეხება გუნდების მდგომარეობას, სანტიაგო ბერნაბეუზე კრიზისია: მხოლოდ 2 მოგება უკანასკნელ 7 შეხვედრაში. კამპ ნოუს მკვიდრები ამ მხრივ არიან მოწოდების სიმაღლეზე: 5/5 მოგება.
ალვარო არბელოას გუნდში პრობლემებია არა მხოლოდ საფეხბურთო მოედანზე, არამედ მის გარეთაც - პეტიცია რეკორდული რაოდენობის ხელმოწერით, რომელიც გულისხმობს კილიან მბაპეს გაშვებას, ასევე ფედერიკო ვალვერდესა და ორელიან ჩუამენის ჩხუბი. ადგილობრივი პრესა წერს, რომ ესპანელმა თავკაცმა რეალის მოთამაშეებზე კონტროლი მთლიანად დაკარგა.
მადრიდულ გუნდი იმდენად პრობლემურ მდგომარეობაშია, რომ იმის შესახებ საუბარიც კი რთულია, თუ რომელი ფეხბურთელი ითამაშებს დღეს და რომელი ვერა. რაც შეეხება ურთიერთშეხვედრების ისტორიას, აქამდე ჩატარებული 263 თამაშიდან "სამეფო კლუბმა" მოიგო 107, ბარსამ - 105, ფრედ კი 51 დუელი დასრულდა.
საინტერესოა ისიც, რომ ბოლო ექვსი ელ კლასიკოდან სანტიაგო ბერნაბეუს ბინადრებმა გამარჯვების მოპოვება მხოლოდ ერთში მოახერხეს. რეალისა და კატალონიელთა დუელში საუკეთესო გოლეადორად უცვლელად რჩება ლეო მესი, რომელმაც 26 ბურთი გაიტანა.
კვირის მატჩის დღე
| მალიორკა - ვილიარეალი | 16:00 | ლა ლიგა |
| ჰამბურგი - ფრაიბურგი | 17:30 | ბუნდესლიგა |
| ლეგანესი - რასინგი | 18:15 | ლა ლიგა 2 |
| ჰარტბერგი - შტურმი | 19:00 | ბუნდესლიგა ავსტრია |
| ვესტ ჰემი - არსენალი | 19:30 | პრემიერ ლიგა |
| კიოლნი - ჰაიდენჰაიმი | 19:30 | ბუნდესლიგა |
| მილანი - ატალანტა | 22:45 | სერია ა |
| ბარსელონა - რეალი | 23:00 | ლა ლიგა |
| პსჟ - ბრესტი | 23:00 | ლიგა 1 |
| მეცი - ლორიენი | 23:00 | ლიგა 1 |
