დღეს გაიმართება ჩემპიონთა ლიგის მეორე საკვალიფიკაციო ეტაპის შეხვედრა იბერიასა და სლოვან ბრატისლავას შორის. მოგეხსენებათ, საქართველოს მოქმედმა ჩემპიონებმა პირველი ეტაპი წარამტებით დაძლიეს და ესტონეთის ჩემპიონი ფლორა დაამარცხეს.
ეს დღე შესაძლოა ისტორიული გამოდგეს, რადგან თუ იბერია ორი მატჩის ჯამში სლოვანს დაამარცხებს, მინიმუმ კონფერენს ლიგის ჯგუფური ეტაპის საგზურს გაინაღდებს. ამაზე არ უნდა ვიფიქროთ, თუმცა შანსები არ მარცხის შემთხვევაშია მცირე - ევროპა ლიგის მესამე ეტაპზე გადავდივართ და კონფერენს ლიგის ფლეი-ოფი ისედაც განაღდებული გვაქვს.
სასიხარულოა, რომ ტრავმის შემდეგ, იბერიას ერთ-ერთი გამორჩეული ტალანტი ანდრია ბართიშვილი დაუბრუნდა, რომელმაც წინა მატჩი გამოტოვა. სამწუხაროდ, გუნდი მარჯვენა მცველმა არმელ ზოურიმ დატოვა და რეიმსში გადავიდა.
რაც შეეხება სლოვან ბრატისლავას, მათ ევროტურნირებზე თამაშის დიდი გამოცდილება აქვთ და გასულ წელს ჩემპიონთა ლიგის ჯგუფშიც იყვნენ.
მაგრამ ვლადიმირ ვაისის წასვლის შემდეგ, სლოვანს ახალი მწვრთნელი და ახალი ფეხბურთელები ჰყავს, რომლებსაც ერთად ოფიციალური მატჩი ჯერ არ უთამაშიათ და მხოლოდ ამხანაგური თამაშებით შემოიფარგლნენ.
ანდრი დემჩენკო (იბერიას მთავარი მწვრთნელი):"ამ მნიშვნელოვანი მატჩისთვის სრულად მზად ვართ. ბართიშვილი დაგვიბრუნდა და ეს დიდი პლიუსია. ვფიქრობ, წინა მატჩების ანალიზი კარგად გავაკეთეთ და ის შეცდომები უნდა გამოვასწოროთ, რაც ფლორასთან მატჩში დავუშვით.როგორც უკვე ვთქვი, ბართიშვილი 100%-ით მზადაა სათამაშოდ. ის კრეატიული და ტექნიკური ტალანტია და მისი ყოფნა მნიშვნელოვანი იქნება.სლოვანს მძიმე მატჩი წლის. ზოგადად, ქართული კლუბები ევროტურნირებზე ვერ გადიან, ჩვენ კი მაქსიმუმს გავაკეთებთ, რომ ეს ტრადიცია დავარღვიოთ და ჯგუფში შევიდეთ."
იაია ტურე (სლოვანის მთავარი მწვრთნელი):"იბერიას თამაში გავაანალიზეთ და ძალიან კარგი გუნდია. საინტერესო მატჩი გველის, მათ ფლორასთან კარგი შეხვედრები ჩაატარეს და მათი დამარცხენა ადვილი არ იქნება.იბერიას პატივს ვცემთ. ვფიქრობ, ხვალ რაც არ უნდა მოხდეს, გადაწყვეტილი მაინც არაფერი იქნება და ყველაფერი განმეორებით შეხვედრაში გაირკვევა.მწვრთნელის რანგში ოფიციალური დებიუტი მექნება, რაც ჩემთვის ძალიან სასიამოვნოა და მოუთმენლად ველოდები"
იბერიას ბოლო 5 მატჩი: იბერია-ფლორა 2:2, ფლორა-იბერია 2:3, იბერია-ტორპედო 2:2, იბერია-დინამო თბ 1:0, იბერია-მეშახტე 2:1
სლოვანის ბოლო 5 მატჩი: სლოვანი-პაფოსი 3:2 სლავია პრაღა-სლოვანი 0:1, პუშკაშ აკადემია-სლოვანი 1:0, ცვრნა ზვეზდა-სლოვანი 1:1, გრაცერი-სლოვანი 0:1
იბერია - სლოვან ბრატისლავა
ჩემპიონთა ლიგის მეორე საკვალიფიკაციო ეტაპი
21 ივლისი, 20:00
მიხეილ მესხის სტადიონი, თბილისი
იბერიას სავარაუდო შემადგენლობა: მაკარიძე, კუცია, სელიმოვიჩი, ამისულაშვილი, ჯინჯოლავა, ქარდავა, დადიანი, ბართიშვილი, ნაჭყებია, ბედოშვილი, სიხარულაშვილი
