დღეს გაიმართება ჩემპიონთა ლიგის პირველი საკვალიფიკაციო ეტაპის მატჩი ესტოურ ფლორასა და იბერიას შორის.
ქართველი გულშემატკივარი წლევანდელ ევროტურნირებს ახალი იმედებით ხვდება. იბერიას წარმატების მიღწევის ყველაზე დიდი შანსი აქვს, რადგან ფლორას ბარიერის დაძლევის შემთხვევაში, გუნდს მინიმუმ კონფერენს ლიგის ფლეი-ოფი გარანტირებული აქვს.
მიმდინარე სეზონში იბერია კარგ ფორმაშია და ეროვნული ლიგის ცხრილის სათავეშია. მიუხედავად იმისა, რომ თბილისურმა კლუბმა ბევრი ქულები დაკარგა, მაინც ლიდერებად რჩებიან.
ცოტა ხნის წინ, იბერიას მთავარ მწვრთნელად ანდრი დემჩენკო დაინიშნა, მოვიდნენ ახალი ფეხბურთელებიც - ლადო ჩიხრაძე, იბრაჰი, ალჰასანი, ელდარ კულიევი.
იბერიას შემადგენლობასი ე.წ "Must Watch" მოთამაშე ანდრია ბართიშვილია. ბართიშვილი ქართული ფეხბურთის ერთ-ერთი გამორჩეული ტალანტია და არაერთ სანახაობრივ მომენტს გვთავაზობს.
რაც შეეხება ფლორას, ესტონეთის მოქმედი ჩემპიონები წელს შედარებით არასტაბილურად თამაშობენ, მეორე ადგილზე არიან და ლიდერ ლევადის მთელი 10 ქულით ჩამორჩებიან.
ფლორას ბოლო 5 მატჩი: კურესაარე-ფლორა 0:3, ლევადია-ფლორა 1:2, ფლორა-პაიდე 1:2, ვაპრუსი-ფლორა 1:2, ფლორა-ლევადია 1:3
იბერიას ბოლო 5 მატჩი: იბერია-ტორპედო 2:2, იბერია-დინამო თბ 1:0, იბერია-მეშახტე 2:1, იბერია-რუსთავი 1:2, იბერია-სპაერი 1:1
ფლორა - იბერია
ჩემპიონთა ლიგა, პირველი საკვალიფიკაციო ეტაპი
8 ივლისი, 20:00
ლე კოქ არენა, ტალინი
მთავარი მსაჯი: სანდი პუტროსი (დანია)
იბერიას სავარაუდო შემადგენლობა: მაკარიძე, ზოური, ამისულაშვილი, ბოჭორიშვილი, ჯინჯოლავა, დადიანი, ქარდავა, ბართიშვილი, ნაჭყებია, ბედოშვილი, ძაგანია
