ალიანც არენას ბინადრების მწვრთნელმა 8:2 გაანადგურა ბარსელონა, შემდეგ კი ჩემპიონთა ლიგის თასიც აღმართა. 2021 წელს, მისი და გერმანული გრანდის გზები გაიყარა და ახლა, ის უკვე კატალონიაში მუშაობს. პრიმერა დივიზიონში შთამბეჭდავი სტარტის შემდეგ, 59 წლის სპეციალისტი დღეს ჩემპიონთა ლიგაზე დაბრუნდება.
"ბლაუგრანას" მოწინააღმდეგე იქნება მონაკო, რომლის მწვრთნელი თავის მხრივ ადოლფ ჰიუტერი არის. რა კავშირშია ის ფლიკთან? ზემოაღნიშნული 5:1-ის მთავარი შემმოქმედი იყო სწორედ ავსტრიელი დამრიგებელი, რომელიც იმ დროს სწორედ "არწივებს" ხელმძღვანელობდა. შეიძლება ითქვას, რომ ჰანსის საკლუბო კარიერის საწყისი წერტილი სწორედ "შავ-წითლების" ყოფილი სპეციალისტი იყო.
შეგახსენებთ იმასაც, რომ სეზონის დაწყების წინ, გერმანელი მწვრთნელი და მისი 54 წლის ოპონენტი გამპერის თასზე შეხვდნენ. "ლურჯ-ბროწეულისფრები" "თავადებთან" 0:3 განადგურდნენ.
