35 წლის გერმანელმა დორტმუნდის დატოვება რამდენიმე თვის წინ გადაწყვიტა და როგორც ჩანს, სხვა ევროპულ გუნდში გადასვლა მის გეგმებში არ შედიოდა. LA Galaxy-ის გარდა, იყო სხვა შემოთავაზებებიც, კერძოდ, შარლოტისგან და საუდის კლუბებისგან, თუმცა მარკომ ყველაფერს 5-გზის ამერიკის ჩემპიონ გუნდში გადასვლა ამჯობინა.
როისმა დორტმუნდში 12 წელი გაატარა, რა დროშიც 429 მატჩი ჩაატარა, გაიტანა 170 გოლი და 131 საგოლე გადაცემითაც გამოირჩა. ამ პერიოდში გერმანელმა ფეხბურთელმა შავ-ყვითლებთან ერთად, ქვეყნის თასი ორჯერ მოიგო, 3-ჯერ კი - ქვეყნის სუპერთასი.
ლოს ანჯელეს გალაქსიში გამორჩეული ევროპელი ფეხბურთელების თამაში უცხო არაა. დევიდ ბექჰემი, ზლატან იბრაჰიმოვიჩი, ეშლი კოული, სტივენ ჯერარდი და რობი კინი - ეს ფეხბურთელები კლუბის ღირსებას წინა წლებში იცავდნენ.
