ფორმულა 1-ის 2024 წლის ნიდერლანდების გრან პრის საკვალიფიკაციო ეტაპის დასრულების შემდეგ, სტიუარდებმა მერსედესის 7-გზის ჩემპიონი, ლუის ჰემილტონი 3 ადგილით დააჯარიმეს.
გამოძიება პირველ სეგმენტში მომხდარ ეპიზოდთან დაკავშირებით მიმდინარეობდა — მე-9 მოსახვევში, ჰემილტონმა სწრაფ წრეზე მოძრავ პერესს ტრაექტორია დაუბლოკა და მექსიკელ პილოტს ტემპი გაუფუჭა.
აღნიშნული ეპიზოდი სტიუარდებმა კვალიფიკაციის დასრულების შემდეგ დეტალურად განიხილეს და 39 წლის ბრიტანელი მრბოლელის ბრალეულობა დაადგინეს. სასჯელის სახით, ჰემილტონმა 3 ადგილიანი ჯარიმა მიიღო და დღევანდელ რბოლას მე-15 პოზიციიდან დაიწყებს.
შეგახსენებთ, რომ 2024 წლის ნიდერლანდების გრან პრის კვალიფიკაციის გამარჯვებული ლანდო ნორისი გახდა, ხოლო რბოლა დღეს, თბილისის დროით 17:00 საათზე აიღებს სტარტს.
ლუის ჰემილტონი ნიდერლანდების გრან პრიზე 3 ადგილით დააჯარიმეს
211045
