"შეურაცხყოფად მიმაჩნია ის ფაქტი, რომ კელეჰერს სათადარიგო მეკარედ მოვიხსენიებთ. დიახ, როდესაც ჯანმრთელია ალისონი, გასაგებია, თუ ვინ დგას ლივერპულის კარში, მაგრამ კაომჰინმა უკვე იმდენჯერ დააზღვია ის, რომ სარეზერვო გოლკიპერის წოდება მისთვის უადგილოა. მათ ძალიან გაუმართლათ, რომ ირლანდიელი კარის დარაჯი ჰყავთ.
არ უნდა დაგვავიწყდეს ის ფაქტიც, რომ "წითლებს" ზაფხულში შეუერთდება მამარდაშვილი, რომელიც სათადარიგო მეკარის წოდებას ასევე ვერ შეეგუება. როგორც ვხედავთ, მერსისაიდელთა განკარგულებაში იქნება 3 ტოპ გოლკიპერი, რაც პრობლემას წარმოადგენს. კლუბმა უნდა მიიღოს გონივრული გადაწყვეტილება, თუ როგორ გადაანაწილოს მათი როლები", - განაცხადა "სქაუზერთა" ყოფილმა ვინგერმა.
