ეროვნული ლიგის ტურის ცენტრალური შეხვედრა მიხეილ მესხი 2-ზე შედგა, სადაც ერთმანეთს დინამო თბილისი და რუსთავი დაუპირისპირდნენ.
რუსთაველებმა უპირატესობა პირველივე ტაიმში მოიპოვეს და დინამოელებს სამი უპასუხო გოლი გაუტანეს.
ანგარიში ჟან სოუზა დე ლაიმეიდამ 28-ე წუთზე გახსნა, 39-ე წუთზე ოსეიმ სხვაობა ორამდე გაზარდა, ტაიმის ბოლო წუთზე კი კესიმ საბოლოო ანგარიში დააფიქსირა.
მეორე ტაიმში თემურ ქეცბაიამ რამდენიმე ცვლილება განახორციელა, მათ შორის, მოედანზე თორნიკე კვარაცხელია გამოიყვანა, თუმცა თამაშის სურათი არ შეცვლილა და რუსთავმა 3:0 გაიმარჯვა.
ამ გამარჯვებით რუსთაველებმა 38 ქულა დააგროვეს და ეროვნულ ლიგაში ლიდერობა გაიმყარეს.
