მანჩესტერ სიტისა და ბელგიის ნაკრების ერთ-ერთი ლიდერი ჯერემი დოკუ თანამედროვეობის გამორჩეულ მოთამაშეებს ასახელებს და თავის სათამაშო დონეზეც საუბრობს.
რამდენიმე დღის წინ, ვეტერანმა ბელგიელმა ფეხბურთელმა ტობი ალდერვეირელდმა დოკუ კვარას, ლუის დიასის და იამალის დონეზე დააყენა და განაცხადა, რომ მას მომავალში ოქროს ბურთის მოგება შეუძლია.
"ერთი რამ ვიცი, ძალიან მინდა, რომ მომავალში ამ მიზანს მივაღწიო, დანარჩენი კი თავისით მოვა. ზოგისთვის ოქროს ბურთის ნომინანტი ვიქნები, ზოგისთვის კი არა.
დღესდღეობით, რამდენიმე მაღალი დონის ფლანგის მოთამაშეა, მაგალითად კვარაცხელია, დიასი, ოლისე, იამალი. მათ თამაშებს ხშირად ვუყურებ ხოლმე და ბევრს ვსწავლობ.
ვერ გეტყვით, ისინი ჩემზე უკეთესები არიან თუ არა, თუმცა სტატისტიკა ყველაფერს ამბობს და ფაქტია, ჩემი თამაში უნდა გავაუმჯობესო, რათა მათ დონეზე ავიდე", - განაცხადა დოკუმ.
