რუმინეთთან გასამართი ამხანაგური მატჩის წინ, საქართველოს ნაკრების მთავარმა მწვრთნელმა, ვილი სანიოლმა ჟურნალისტების კითხვებს უპასუხა.
"ბევრი ფეხბურთელი გვაკლია, რადგან ივნისია და საკლუბო სეზონი ახალი დამთავრებულია. ბევრ მოთამაშეს მიეცემა შანსი, ამხანაგური მატჩები ხომ სწორედ ამისთვის არის. მთავარი მაინც სექტემბრის თამაშებისთვის მომზადება იქნება. ახალ ეტაპს სათანადოდ უნდა შევხვდეთ.
რაც შეეხება ხვალინდელ მატჩს, ეს არის კაშიას ბოლო მატჩი და იმედია ფეხბურთელები ხვდებიან, თუ რამხელა პასუხისმგებლობა არის ეს. კვარაცხელია? მან დამირეკა და ნაკრებთან ყოფნის სურვილი გამოთქვა. ეროვნული გუნდი ძალიან უყვარს. მეორე თამაშისთვის აუცილებლად მზად იქნება", - განაცხადა ფრანგმა დამრიგებელმა. შეგახსენებთ, საქართველო რუმინეთს დაუპირისპირდება 2 ივნისს, მატჩი ჩვენი დროით 21:00 საათზე დაიწყება.
