პარი სენ-ჟერმენის სტრატეგიულმა მრჩეველმა, ლუიშ კამპუშმა თავისი მუშაობის მეთოდებზე ისაუბრა. ეს არის მენეჯერი, ვინც ითამაშა უმნიშვნელოვანესი როლი პსჟ-ს სატრანსფერო კურსის შეცვლაში. როცა კლუბი დატოვეს ლეო მესიმ, ნეიმარ ჟუნიორმა და კილიან მბაპემ, ახალგაზრდა მოთამაშეების მოზიდვა "ლურჯ-წითლებში" სწორედ პორტუგალიელი მენეჯერის რჩევით მოხდა.
"მარტოხელა მგელს მიწოდებენ, რადგან უამრავი ინფორმაციისა და ჩემი იდეების საიდუმლოდ შენახვა მიწევს. ხანდახან სრულიად შეუმჩნეველი უნდა გავხდე და შევინიღბო, რათა სწორი მოთამაშეები და სპეციალისტები შევარჩიო. თამაშებზე დასასწრებად ხშირად მიწევს შენიღბვა: მუქი ტანსაცმელი, ქუდები...ხელოვნური ულვაშიც მიტარებია.
ცნობადობა კი არ მადარდებს, უბრალოდ არ მინდა, იმ ფეხურთელებმა იცოდნენ ჩემი იქ ყოფნის შესახებ, ვისაც ვაკვირდები. მე არასდროს ვესაუბრები მოთამაშეებს ან მათ აგენტებს", - განაცხადა პარკ დე პრენსის მკვიდრთა მრჩეველმა, რომლის შუამავლობით ხვიჩა კვარაცხელიას ტრანსფერიც შედგა.
