მადრიდის რეალის ლეგენდარულმა მარცხენა მცველმა, რობერტო კარლოსმა, ლიონელ მესისთან მოედანზე შეხვედრა გაიხსენა. ისინი ერთმანეთს დაუპირისპირდნენ 2-ჯერ, 2005-2006 წლებში, პრიმერა დივიზიონში. ყოფილი ბრაზილიელი განაპირა მცველ "სამეფო კლუბის" ღირსებას იცავდა, არგენტინელი ფლეიმეიქერი კი - ბარსელონას.
"როდესაც მესი დრიბლინგით უმარტივესად გაგვცდა მე და კანავაროს, ვიფიქრე: "ღმერთო, რა საოცარი ფეხბურთელია. ის ახალი მარადონა იქნება". გამიმართლა, რადგან ჩემი კარიერის დასასრული უკვე ახლოს იყო, მაგრამ რა ეშველებოდა ახალი თაობის უკანახაზელებს? უკვე იმ დროს ვაცნობიერებდი, რომ ლეოს წინააღმდეგ თამაში ურთულესი იქნებოდა.
ვიცოდი, რომ არგენტინელი შემტევი მსოფლიოს საუკეთესო ფეხბურთელი გახდებოდა. მიხარია, რომ მის კარიერას თვალს ვადევნებ როგორც გულშემატკივრის და არა როგორც მეტოქის რანგში", - განაცხადა "ბლანკოსის" ყოფილმა განაპირა მცველმა.
