კოსოვოში მიმდინარე FIBA U18 ქალთა ევროპის ჩემპიონატის (C დივიზიონი) ჯგუფური ეტაპი დასრულდა. საქართველოს 18-წლამდე ნაკრებმა B ჯგუფში სამი შეხვედრა ჩაატარა, საიდანაც ორი გამარჯვებით დაასრულა და სატურნირო ცხრილში მე-2 ადგილი დაიკავა.
ლელა ცანავასა და მისი ასისტენტის, ნატალია ოთხმეზურის გაწვრთნილმა გუნდმა ჯგუფური ეტაპი შემდეგი შედეგებით დაასრულა:
21 ივლისი: კოსოვო — საქართველო 75:51
22 ივლისი: საქართველო — სომხეთი 81:71
23 ივლისი: საქართველო — გიბრალტარი 77:44
ჯგუფში დაკავებული მეორე ადგილით საქართველოს ნაკრები ნახევარფინალში გავიდა, სადაც A ჯგუფის გამარჯვებულს, ვიპროსის ნაკრებს დაუპირისპირდება (კვიპროსელებმა თავიანთ ჯგუფში ორივე მატჩი მოიგეს).
ნახევარფინალური შეხვედრა შაბათს, 25 ივლისს, ქალაქ პეიაში გაიმართება.
