სამეფო კლუბის ბელგიელი მეკარე ტიბო კურტუა ახალ თანაგუნდელზე საუბრობს. კურტუა მბაპეს პირადადაც შეხვდა.
"მბაპე მსოფლიოში ერთ-ერთი საუკეთესო ფეხბურთელია. რა თქმა უნდა, ჯობია მასთან ერთად ვითამაშოთ, ვიდრე მის წინააღმდეგ. ის არის ფეხბურთელი, რომელსაც ვინისიუსთან და ბელინგემთან ერთად, შეტევის ხაზის გაძლიერება კიდევ უფრო შეუძლია.
ის უკვე დავამატეთ გუნდის საერთო ჩატში და ჩვენთან ერთადაა. მბაპეს სურვილი ბევრი ტიტულის მოგებაა და დარწმუნებული ვარ, წარმატებული წელი გვექნება", - განაცხადა კურტუამ.
რეალი სეზონის პირველ ოფიციალურ შეხვედრას 14 აგვისტოს, უეფას სუპერთასზე, ატალანტას წინააღმდეგ გამართავს.
