მას შემდეგ, რაც ბუნდესნაკრები მუნდიალს დაემშვიდობა, გერმანულ საფეხბურთო გარემოში მწვავე განხილვის თემად იქცა ეროვნული ნაკრების მთავარი მწვრთნელის საკითხი. არსებული ინფორმაციით, იურგენ კლოპი მზად იქნება სამწვრთნელო საქმიანობაში დაბრუნების შესაძლებლობა განიხილოს, თუკი გერმანიის საფეხბურთო ფედერაცია მას ოფიციალურად მიმართავს. კლოპი ამ ეტაპზე გადაწყვეტილების მიღებას არ ჩქარობს, თუმცა, როგორც ჩანს, მწვრთნელის რანგში დაბრუნებას სერიოზულად განიხილავს.
ამავე დროს, ნაკრების ამჟამინდელი მთავარი მწვრთნელი იულიან ნაგელსმანი საკუთარ პოზიციას ინარჩუნებს და ნაკრების დატოვებას არ გეგმავს, თუმცა, საბოლოო გადაწყვეტილება მაინც DFB-ის ხელმძღვანელობის ხელშია.
გერმანიის ნაკრების გარშემო შექმნილი გაურკვევლობა ინტერესს ზრდის თუ ვინ ჩაიბარებს ეროვნულ ნაკრებს გრძელვადიან პერსპექტივაში. თუ ფედერაცია ცვლილებას გადაწყვეტს, კლოპის შესაძლო დაბრუნება ერთ-ერთ ყველაზე ხმაურიან მოვლენად შეიძლება იქცეს ევროპულ ფეხბურთში.
