დადასტურებულად — იურგენ კლოპი გერმანიის ეროვნული ნაკრების მთავარი მწვრთნელი გახდება! მხარეებს შორის შეთანხმება უკვე მიღწეულია და გამოცდილი სპეციალისტი კონტრაქტს უახლოეს საათებში გააფორმებს, რის შემდეგაც გერმანიის ფეხბურთის ფედერაცია მას ოფიციალურად წარადგენს.
მას შემდეგ, რაც გერმანიის ნაკრები მსოფლიო ჩემპიონატის 1/16 ფინალში პარაგვაისთან დამარცხდა, ფედერაციამ იულიან ნაგელსმანთან თანამშრომლობის შეწყვეტის გადაწყვეტილება მიიღო. ბუნდესნაკრების მთავარი მწვრთნელის პოსტზე რამდენიმე კანდიდატურა განიხილებოდა, თუმცა ფედერაციის მთავარი არჩევანი თავიდანვე იურგენ კლოპი იყო.
შეგახსენებთ, კლოპმა ლივერპული 2024 წელს დატოვა, რის შემდეგაც Red Bull-ის გლობალური ფეხბურთის ხელმძღვანელის (Head of Global Soccer) პოზიცია დაიკავა. მიუხედავად იმისა, რომ ის აქტიურად აღარ იყო ჩართული სამწვრთნელო საქმიანობაში, გერმანიის ფეხბურთის ფედერაციამ სწორედ მისი დაბრუნება მიიჩნია ეროვნულ ნაკრებში ახალი ეპოქის დასაწყებად.
თუ ბოლო მომენტში რაიმე გაუთვალისწინებელი არ მოხდა, გერმანიის ფეხბურთის ფედერაცია 59 წლის სპეციალისტს უახლოეს საათებში ოფიციალურად წარადგენს.
