ჩემპიონთა ლიგის ეპოქაში ჯერ არ ყოფილა ფეხბურთელი, ვისაც გოლი ზედიზედ ორ ფინალში ჰქონოდეს გატანილი. დიახ, ორ ფინალში სხვადასხვა დროს შეუგდიათ ლიონელ მესის, კრიშტიანუ რონალდუს, სერხიო რამოსსა და კიდევ ბევრს, მაგრამ მათ მიღწევებს შორის მინიმუმ 1-წლიანი დროის შუალედი იყო.
ზედიზედ ორ წელიწადში და ზედიზედ ორჯერ, ასეთი ფეხბურთელი როგორც აღვნიშნეთ, ჩემპიონთა ლიგის ფინალებში არ ყოფილა. უნიკალური რეკორდის დამყარების შანსი აქვს ხვიჩა კვარაცხელიას, თუ შარშან მილანის ინტერის კარის აღების შემდეგ, ის შეაგდებს წელსაც, ამჯერად ლონდონის არსენალთანაც.
დიახ, ქართველი შემტევის მსგავსად, ამ რეკორდის დამყარების საშულება აქვთ იმ ფეხბურთელებსაც, ვინც გასულ სეზონში "ნერაძურის" ასევე გაუტანეს. საუბარია აშრაფ ჰაკიმიზე, დეზირე დუესა და სენი მაიულუზე. ევროპის მთავარ საკლუბო ტურნირზე ეს იქნება ის იშვიათი მიღწევა, რომელშიც დომინანტები იქნებიან არა რეალ მადრიდის, არამედ პარის სენ-ჟერმენის მოთამაშეები.
