30 მაისს, ჩემპიონთა ლიგის ფინალში ერთმანეთს პსჟ და არსენალი დაუპირისპირდებიან.
მატჩის წინ კომენტარი პარიზელთა ფეხბურთელებმა - მარკინიოსმა და უსმან დემბელემ გააკეთეს.
უსმან დემბელე:"ჩვენი მიზანი ჩემპიონთა ლიგის ფინალში გასვლა იყო და ეს მიზანი შევასრულეთ. გასულ წელს, ჩემპიონები გავხდით და ისტორია დავწერეთ, ახლა კი ამის გაკეთება კიდევ ერთხელ გვსურს, რადგან ახალგაზრდული გუნდი ვართ და ამბიციები გვაქვს. ბოლომდე კონცეტრირებულები უნდა ვიყოთ და ყველაფერი გავაკეთოთ, რომ თასი ავწიოთ."
მარკინიოსი: "ჩვენ გვყავს შემტევები, რომელთაც შეუძლიათ ნახევარდაცვაშიც თამაში და დაცვაშიც, არიან მობილურები და მოედანზე ყველაფერს აკეთებენ. ეს არის გუნდი, რომელიც ლუის ენრიკემ შექმნა. დემბელე და კვარა საოცარ სეზონს ატარებენ. გაგვიმართლა, რომ ისინი ჩვენთან არიან და ამას გულშემატკივრის სახელითაც ვამბობ. ეს ორი მოთამაშე იმსახურებს, რომ იყოს მაღალ დონეზე, რადგან გუნდისთვის მაქსიმუმს დებენ. ყველამ კარგად ვიცით, რა რთული გზა გამოვიარეთ აქ მოსასვლელად. ძალიან რთული და ემოციური მატჩი გველის და ამისთვის მზად უნდა ვიყოთ"
