ბუნდესლიგაში ჩატარებული 24 ტურის შემდეგ, ბადენური გუნდი 15 ქულით არის მე-17 ადგილზე და ქვედა დივიზიონში დაქვეითების ერთ-ერთი მთავარი კანდიდატია. ერთი სიტყვით, "ლურჯ-წითლები" იმყოფებიან კრიზისში, მათი ქართველი ფორვარდის მშრალი სერია კი გრძელდება. საინტერესოა, როგორ მისდის საქმეები ფრანკ შმიდტის კოლექტივის ახალწვეულის ექს-გუნდს, კარლსრუეს?
30 წლის თავდამსხმელის წასვლის შემდეგ, "ვაისბლაუსში" ასევე შეინიშნებოდა კრიზისი და აღნიშნულმა გუნდმა ზედიზედ შვიდთამაშიანი მოუგებელი სერია გამოაცხო. ბადენელებისთვის საბედნიეროდ, გარდატეხა მაინც მოხდა: ზედიზედ 2 მოგება ბოლო 2 ტურში: ერთი მაგდებურგთან, მეორე კი კიოლნთან.
"თეთრ-ლურჯები" 36 ქულით არიან მეცხრე ადგილზე და ბუნდესლიგის საპლეიოფო ადგილს ხუთი ქულით ჩამორჩებიან. შეგახსენებთ იმასაც, რომ ფოიტ-არენაზე გადასვლამდე, საქართველოს ეროვნული გუნდის მე-8 ნომერი იყო ჩემპიონატის საუკეთესო გოლეადორი, მისი გუნდი კი მე-2 პოზიციაზე იმყოფებოდა.
როგორც ვხედავთ, ვილდპარკის ბინადრები ათამაშდნენ, რასაც ვერ ვიტყვით ჰაიდენჰაიმსა და ზივზივაძეზე. ბუნდესლიგის დასრულებამდე რჩება 10 ტური, "როთბლაუსს" ჯერ კიდევ წინ აქვს მატჩები მიუნხენის ბაიერნთან, ლევერკუზენის ბაიერსა და შტუტგარტთან.
