საბოლოოდ გადაწყდა, რომ მოქმედი მსოფლიო ჩემპიონი და მსოფლიოს გამორჩეული ნახევარმცველი როდრი კარიერას ბარსელონაში გააგრძელებს, სადაც სამედიცინო შემოწმება უკვე გაიარა და მალე კლუბის სრულფასოვანი წევრი გახდება.
არადა, დიდი ხანი იწერებოდა, რომ ესპანელი ნახევარმცველი მადრიდის რეალში უნდა გადასულიყო, თუმცა ბოლოს გადაწყვეტილება შეიცვალა და ბარსელონა არჩია.
ამაში კი დიდი როლი პეპ გვარდიოლამ შეიტანა. გვარდიოლას როდრისთან პირადი საუბრები ჰქონდა და უთხრა მიზეზები, რის გამოც რეალს ბარსელონა ჯობდა.
მთავარი მიზეზი სათამაშო სტილია. გვარდიოლას თქმით, როდრი ბარსელონას სტილს იდეალურად მოერგებოდა და ამ კლუბის ფილოსოფიის მთავარი ნაწილი გახდებოდა.
მეორე მიზეზი კი ვინისიუს ჯუნიორთან კომუნიკაციაა. მოგეხსენებათ, 2024 წლის სკანდალი, როცა ოქროს ბურთის მფლობელი არა რეალის შემტევი, არამედ სწორედ როდრი გახდა, რის გამოც რეალის ფეხბურთელებმა ბოიკოტი გამოაცხადეს და დაჯილდოების ცერემონიაზე არ მივიდნენ.
გაამართლებს თუა არა პეპ გვარდიოლას რჩევები, ამას სეზონი მიმდინარეობა გვიჩვენებს. ლა ლიგის ახალ სეზონს ბარსელონა 23 აგვისტოს ელჩესთან მატჩით იწყებს.
