აბუ-დაბიში მიმდინარე ძიუდოს მსოფლიო ჩემპიონატის ინდივიდუალური შეჯიბრის დასკვნით დღეს, საქართველოს ნაკრებმა ვერცხლის მედალი მოიპოვა.
+100 კგ. წონით კატეგორიაში, გურამ თუშიშვილი მეორე ადგილზე გავიდა - ქართველი ძიუდოისტი ფინალში სამხრეთ კორეელ კიმთან დამარცხდა და ვერცხლის მედალს დასჯერდა.
აღნიშნული ვერცხლით, გურამ თუშიშვილმა მსოფლიო ჩემპიონატებზე მედლების კომპლექტი შეკრა - მის ანგარიშზე თითო ოქროს (2018 წელი), ვერცხლის (2022 წელი) და ბრინჯაოს (2024 წელი) მედალია.
ამრიგად, საქართველოს ძიუდოისტთა ნაკრებმა ინდივიდუალურ შეჯიბრში გამოსვლა დაასრულა და მოპოვებული 2 ოქროს, 1 ვერცხლისა და 1 ბრინჯაოს მედლის გუნდურ ჩათვლაში მეორე ადგილზე გავიდა - პირველ ადგილი (2 ოქრო, 2 ვერცხლი, 2 ბრინჯაო) იაპონიამ დაიკავა.
ხვალ, 2024 წლის ძიუდოს მსოფლიო ჩემპიონატი გუნდური შეჯიბრით დასრულდება, სადაც საქართველოს ქალთა და ვაჟთა გაერთიანებული ნაკრებიც მიიღებს მონაწილეობას. საქართველოს პირველი მეტოქე უნგრეთსა და მონღოლეთს შორის გამარჯვებული იქნება.
გურამ თუშიშვილი მსოფლიო ჩემპიონატის ვერცხლის პრიზიორია
209508209549
