ევროპა ლიგის მესამე საკვალიფიკაციო ეტაპის შეხვედრა ლარნესა და იბერიას შორის, საკმაოდ დაძაბული გამოდგა და ფრედ 0:0 დასრულდა.
მატჩის შემდეგ კომენტარი ლარნეს მთავარმა მწვრთნელმა გარი ჰავერონმა გააკეთა.
"მოუთმენლად ველოდები განმეორებით მატჩს, მათ მოედანზე ვითამაშებთ და ეს ყველაფერი საქმეს კიდევ უფრო ართულებს.
ვფიქრობ, პირველ ტაიმში ძალიან კარგად ვითამაშეთ, უფრო მეტი სახიფათო მომენტი შევქმენით, მაგრამ ცუდია, რომ გოლი ვერ გავიტანეთ.
ცხადია, მეტოქე ძლიერი იყო, მაგრამ ჩემმა ფეხბურთელებმა ძალიან კარგად ითამაშეს, მეორე ტაიმის სტარტითაც კმაყოფილი ვარ, ამის შემდეგ კი იბერიამ ცენტრში უპირატესობა მოიპოვა.
საბოლოოდ, გული მწყდება იმაზე, რომ განმეორებით მატჩში გამარჯვებულის სტატუსით არ ჩავდივართ, რადგან ამ შეხვედრაში დომინანტები ვიყავით და გამარჯვება შეგვეძლო. კარგი ისაა, რომ თავდაჯერებულობა მოგვემატა", - განაცხადა ლარნეს მწვრთნელმა.
განმეორებითი შეხვედრა იბერიასა და ლარნეს შორის 11 აგვისტოს, თბილისში, მიხეილ მესხის სახელობის სტადიონზე შედგება.
