ავსტრიის ჩემპიონატის ტურის ცენტრალურ შეხვედრაში ერთმანეთს ზალცბურგი და შტურმი დაუპირისპირდნენ. სეზონი დასასრულოს უახლოვდება, ეს გუნდები კი ერთმანეთს ჩემპიონობისთვის ებრძოლებიან.
ზალცბურგი წინ გავიდა, თუმცა შტურმს გმირად ოთარ კიტეიშვილი მოევლინა. ავსტრიული გუნდის ქართველმა კაპიტანმა ჯერ პენალტით ანგარიში გაათანაბრა, შემდეგ კი ულამაზესი დარტყმით შტურმს 1:2 მოაგებინა.
ამ გამარჯვებით შტურმმა 30 ქულა დააგროვა, ლიდერობა განიმტკიცა და კიდევ ერთ ჩემპიონობას უახლოვდება.
