გიორგი მიქაუტაძის დუბლი — საქართველოს ნაკრებმა ლიეტუვა დაამარცხა

საერთაშორისო ამხანაგურ მატჩში, საქართველოს ეროვნული ნაკრები ლიეტუვას ესტუმრა, ფავორიტის სტატუსი გაამართლა და მეტოქე 2-0 დაამარცხა.

აღნიშნულ შეხვედრაში ორივე გოლი გიორგი მიქაუტაძემ გაიტანა — ქართველმა ფორვარდმა 70-ე წუთზე თერთმემეტრიანი დარტყმით გახსნა ანგარიში, ხოლო 84-ე წუთზე დუბლი გაიფორმა და საქართველოს ეროვნული ნაკრების ბომბარდირთა სიაში მეორე ადგილზე გადაინაცვლა.

ლიეტუვა 0-2 საქართველო

გოლები: 0-1, 0-2 გიორგი მიქაუტაძე (70', 84')

ამრიგად, საქართველოს ეროვნულმა ნაკრებმა მარტის სანაკრებო პაუზის დროს ორი ამხანაგური მატჩიდან ერთი მოიგო და ერთი ფრედ დაასრულა. შეგახსენებთ, რომ 3 დღის წინ, ვილი სანიოლის გუნდმა თბილისში ისრაელს უმასპინძლა და ფრეს დასჯერდა.