ერთა ლიგის 2024/25 წლების მესამე ტურში, საქართველოს ეროვნული ნაკრები პოზნანში უკრაინას შეხვდა და 1-0 დამარცხდა. მატჩის შემდეგ, ჯვაროსნების მეკარემ, გიორგი მამარდაშვილმა კომენტარი გააკეთა.
"გაშვებული გოლის მომენტშიც იქონია მინდვრის საფარმა გარკვეული გავლენა — მეკარის საჯარიმოში ბალახის ნაცვლად მიწა იყო, სადაც ფეხი სრიალებდა და გადახტომაში ხელი შემიშალა. ყველა მონდომებულები ვიყავით და არ ვფიქრობ, რომ კონცენტრაციის ნაკლებობა გვქონდა, უბრალოდ არ გამოგვივიდა ის თამაში, რასაც აქამდე ვაჩვენებდით."
"მნიშვნელოვანი იყო გულშემატკივრების მხარდაჭერა, რომლებიც მთელი თამაშის განმავლობაში არ გაჩერებულან და დიდი მადლობა მინდა გადავუხადო მათ. თბილისშიც ველოდებით და აუცილებლად გავიმარჯვებთ ალბანეთთან. წაგებული თამაშის შემდეგ მნიშვნელოვანია, რომ გუნდმა ერთიანობა შევინარჩუნოთ და მომდევნო მატჩში მხოლოდ გამარჯვებაზე ვიფიქროთ."
"მნიშვნელოვანი იყო გულშემატკივრების მხარდაჭერა, რომლებიც მთელი თამაშის განმავლობაში არ გაჩერებულან და დიდი მადლობა მინდა გადავუხადო მათ. თბილისშიც ველოდებით და აუცილებლად გავიმარჯვებთ ალბანეთთან. წაგებული თამაშის შემდეგ მნიშვნელოვანია, რომ გუნდმა ერთიანობა შევინარჩუნოთ და მომდევნო მატჩში მხოლოდ გამარჯვებაზე ვიფიქროთ."
B დივიზიონის მომდევნო, მე-4 ტურში საქართველოს ნაკრები თბილისში ალბანეთს უმასპინძლებს — მატჩი 14 ოქტომბერს გაიმართება.
იხილეთ ჩვენი პოდკასტის მორიგი ეპიზოდი
