ევროპა ლიგის მესამე საკვალიფიკაციო ეტაპზე ლარნეს დამარცხების და ევროტურნირის საგზურის განაღდების შემდეგ, იბერიას კაპიტანმა, ჯემალ-გიორგი ჯინჯოლავამ კომენტარი გააკეთა.
"სტადიონზე ხალხის მოსვლამ შედეგი გამოიღო. ამის გამოცდილება მანამდე არ გვქონდა. მინდა, მათ მადლობა გადავუხადო."
"გილოცავთ ქართული კლუბის ევროტურნირზე გასვლას. მე სხვისი კრიტიკა არ მაინტერესებს, მაგრამ ახალგაზრდული გუნდი ვართ და ჩასაფრებული ხალხის აზრმა, შესაძლოა, ვინმეზე გავლენა მოახდინოს. დღეს სტადიონზე ნამდვილი გულშემატკივრები მოვიდნენ."
"კრიტიკა სამართლიანი უნდა იყოს. კრიტიკას გააჩნია. როდესაც გუნდს 0-0 აქვს ნათამაშები და წინ განმეორებითი მატჩი გველოდებოდა, ეს უადგილო იყო. ვისაც მართლა გული შესტკივა ქართულ ფეხბურთზე, ეს შედეგი გონივრულად მიიღო. ჩასაფრებულ ხალხს ხმის ამოღება მინიმუმ ცოტა ხანი არ შეეძლება."
"სიმართლე გითხრათ, ბევრი არ გვისაუბრია. ყველამ ვიცოდით, რა მნიშვნელობის მატჩი იყო. მთელ გუნდს მადლობა ეკუთვნის. დაახლოებით 11 წლიდან აქ ვარ და ჩემთვის გასაკუთრებულია, რომ ამ ისტორიის დაწერაში წვლილი შევიტანე. ეს წარმატება სხვა ქართული გუნდებისთვისაც მოტივაცია იქნება" — განაცხადა ჯემალ-გიორგი ჯინჯილავამ.
ევროპა ლიგის საკვალიფიკაციო ეტაპის პლეი-ოფში იბერია იაგიელონიასა და რეინჯერსს შორის გამარჯვებულს დაუპირისპირდება.
